𑁪. 𑀧𑀳𑀸𑀭𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁪𑁫𑁧. 𑀘𑀢𑀼𑀢𑁆𑀣𑁂 𑀧𑀸𑀴𑀺𑀬𑀁 𑀓𑀸𑀬𑀧𑀝𑀺𑀩𑀤𑁆𑀥𑁂𑀦 𑀯𑀸𑀢𑀺 𑀏𑀢𑁆𑀣 𑀧𑀸𑀲𑀸𑀡𑀸𑀤𑀺𑀦𑀺𑀲𑁆𑀲𑀕𑁆𑀕𑀺𑀬𑀧𑀳𑀸𑀭𑁄𑀧𑀺 𑀲𑀗𑁆𑀕𑀳𑀺𑀢𑁄.

𑁪𑁫𑁨. 𑀭𑀢𑁆𑀢𑀘𑀺𑀢𑁆𑀢𑁄𑀢𑀺 𑀓𑀸𑀬𑀲𑀁𑀲𑀕𑁆𑀕𑀭𑀸𑀕𑁂𑀦 𑀯𑀼𑀢𑁆𑀢𑀁. 𑀫𑁂𑀣𑀼𑀦𑀭𑀸𑀕𑁂𑀦 𑀧𑀦 𑀧𑀳𑀸𑀭𑀢𑁄 𑀧𑀼𑀭𑀺𑀲𑀸𑀤𑀻𑀲𑀼 𑀤𑀼𑀓𑁆𑀓𑀝𑀫𑁂𑀯. 𑀫𑁄𑀓𑁆𑀔𑀸𑀥𑀺𑀧𑁆𑀧𑀸𑀬𑁂𑀦 𑀤𑀡𑁆𑀟𑀓𑁄𑀝𑀺𑀬𑀸 𑀲𑀧𑁆𑀧𑀸𑀤𑀺𑀁 𑀖𑀝𑁆𑀝𑁂𑀢𑁆𑀯𑀸 𑀫𑀡𑁆𑀟𑀽𑀓𑀸𑀤𑀺𑀁 𑀫𑁄𑀘𑁂𑀦𑁆𑀢𑀲𑁆𑀲𑀧𑀺 𑀅𑀦𑀸𑀧𑀢𑁆𑀢𑀺 𑀏𑀯. 𑀓𑀼𑀧𑀺𑀢𑀢𑀸, 𑀉𑀧𑀲𑀫𑁆𑀧𑀦𑁆𑀦𑀲𑁆𑀲 𑀦 𑀫𑁄𑀓𑁆𑀔𑀸𑀥𑀺𑀧𑁆𑀧𑀸𑀬𑁂𑀦 𑀧𑀳𑀸𑀭𑁄𑀢𑀺 𑀤𑁆𑀯𑁂 𑀅𑀗𑁆𑀕𑀸𑀦𑀺.

𑀧𑀳𑀸𑀭𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.