𑁩. 𑀉𑀓𑁆𑀓𑁄𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁯𑁨. 𑀢𑀢𑀺𑀬𑁂 ‘‘𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀲𑀦𑁆𑀢𑀺𑀓𑀁 𑀕𑀦𑁆𑀢𑁆𑀯𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀬𑀲𑁆𑀲 𑀅𑀥𑀺𑀓𑀭𑀡𑀁 𑀲𑀗𑁆𑀖𑀓𑀫𑁆𑀫𑁂𑀦 𑀦𑀺𑀳𑀢𑀁, 𑀢𑀲𑁆𑀲 𑀲𑀫𑁆𑀫𑀼𑀔𑁂 𑀏𑀯 𑀉𑀓𑁆𑀓𑁄𑀝𑁂𑀦𑁆𑀢𑀲𑁆𑀲 𑀧𑀸𑀘𑀺𑀢𑁆𑀢𑀺𑀬𑀁. 𑀧𑀭𑀫𑁆𑀫𑀼𑀔𑁂 𑀧𑀦 𑀤𑀼𑀓𑁆𑀓𑀝𑀫𑁂𑀯.

𑁩𑁯𑁫. ‘‘𑀥𑀫𑁆𑀫𑀓𑀫𑁆𑀫𑁂 𑀅𑀥𑀫𑁆𑀫𑀓𑀫𑁆𑀫𑀲𑀜𑁆𑀜𑀻 𑀉𑀓𑁆𑀓𑁄𑀝𑁂𑀢𑀺, 𑀅𑀦𑀸𑀧𑀢𑁆𑀢𑀻’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀅𑀦𑀸𑀤𑀭𑀺𑀬𑀢𑀸𑀤𑀺 𑀯𑀺𑀬 𑀉𑀓𑁆𑀓𑁄𑀝𑀦𑀁 𑀲𑀬𑀁 𑀅𑀓𑀼𑀲𑀮𑀁 𑀦 𑀳𑁄𑀢𑀺, 𑀥𑀫𑁆𑀫𑀓𑀫𑁆𑀫𑀲𑀜𑁆𑀜𑀸𑀬, 𑀧𑀦 𑀯𑀺𑀫𑀢𑀺𑀬𑀸 𑀘 𑀉𑀓𑁆𑀓𑁄𑀝𑀦𑁂𑀦𑁂𑀯 𑀅𑀓𑀼𑀲𑀮𑀁 𑀳𑁄𑀢𑀺. 𑀬𑀣𑀸𑀥𑀫𑁆𑀫𑀁 𑀦𑀺𑀳𑀢𑀢𑀸, 𑀚𑀸𑀦𑀦𑀸, 𑀉𑀓𑁆𑀓𑁄𑀝𑀦𑀸𑀢𑀺 𑀢𑀻𑀡𑀺 𑀅𑀗𑁆𑀕𑀸𑀦𑀺.

𑀉𑀓𑁆𑀓𑁄𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.