𑁮. 𑀤𑀼𑀩𑁆𑀩𑀡𑁆𑀡𑀓𑀭𑀡𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁬𑁮. 𑀅𑀝𑁆𑀞𑀫𑁂 𑀧𑀝𑀺𑀮𑀤𑁆𑀥𑀦𑀯𑀘𑀻𑀯𑀭𑁂𑀦𑀸𑀢𑀺 𑀏𑀢𑁆𑀣 𑀧𑀼𑀩𑁆𑀩𑁂 𑀅𑀓𑀢𑀓𑀧𑁆𑀧𑀁 𑀓𑀢𑀺𑀧𑀸𑀳𑀁 𑀦𑀺𑀯𑀸𑀲𑀦𑀢𑁆𑀣𑀸𑀬 𑀢𑀸𑀯𑀓𑀸𑀮𑀺𑀓𑀯𑀲𑁂𑀦 𑀮𑀤𑁆𑀥𑀫𑁆𑀧𑀺 𑀲𑀗𑁆𑀕𑀬𑁆𑀳𑀢𑀻𑀢𑀺 𑀯𑀤𑀦𑁆𑀢𑀺.

𑁩𑁬𑁯. ‘‘𑀦𑀯𑀁 𑀦𑀸𑀫 𑀅𑀓𑀢𑀓𑀧𑁆𑀧’’𑀦𑁆𑀢𑀺 𑀲𑀸𑀫𑀜𑁆𑀜𑀢𑁄 𑀯𑀼𑀢𑁆𑀢𑀢𑁆𑀢𑀸 𑀅𑀜𑁆𑀜𑁂𑀦 𑀪𑀺𑀓𑁆𑀔𑀼𑀦𑀸 𑀓𑀧𑁆𑀧𑀩𑀺𑀦𑁆𑀤𑀼𑀁 𑀤𑀢𑁆𑀯𑀸 𑀧𑀭𑀺𑀪𑀼𑀢𑁆𑀢𑀁 𑀘𑀻𑀯𑀭𑀁, 𑀢𑁂𑀦 𑀯𑀸, 𑀢𑀢𑁄 𑀮𑀪𑀺𑀢𑁆𑀯𑀸 𑀅𑀜𑁆𑀜𑁂𑀦 𑀯𑀸 𑀓𑁂𑀦𑀘𑀺 𑀤𑀺𑀦𑁆𑀦𑀫𑁆𑀧𑀺 𑀓𑀢𑀓𑀧𑁆𑀧𑀫𑁂𑀯 𑀦𑀯𑀁 𑀦𑀸𑀫 𑀦 𑀳𑁄𑀢𑀻𑀢𑀺 𑀤𑀝𑁆𑀞𑀩𑁆𑀩𑀁. ‘‘𑀦𑀺𑀯𑀸𑀲𑁂𑀢𑀼𑀁 𑀯𑀸 𑀧𑀸𑀭𑀼𑀧𑀺𑀢𑀼𑀁 𑀯𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀅𑀁𑀲𑀩𑀤𑁆𑀥𑀓𑀸𑀲𑀸𑀯𑀫𑁆𑀧𑀺 𑀧𑀸𑀭𑀼𑀧𑀺𑀢𑀩𑁆𑀩𑀢𑁄 𑀓𑀧𑁆𑀧𑀁 𑀓𑀸𑀢𑀩𑁆𑀩𑀦𑁆𑀢𑀺 𑀯𑀤𑀦𑁆𑀢𑀺. 𑀘𑀫𑁆𑀫𑀓𑀸𑀭𑀦𑀻𑀮𑀁 𑀦𑀸𑀫 𑀘𑀫𑁆𑀫𑀁 𑀦𑀻𑀮𑀯𑀡𑁆𑀡𑀁 𑀓𑀸𑀢𑀼𑀁 𑀬𑁄𑀚𑀺𑀬𑀫𑀸𑀦𑀁 𑀦𑀻𑀮𑀁. 𑀧𑀓𑀢𑀺𑀦𑀻𑀮𑀫𑁂𑀯𑀸𑀢𑀺 𑀓𑁂𑀘𑀺. 𑀬𑀣𑀸𑀯𑀼𑀢𑁆𑀢𑀘𑀻𑀯𑀭𑀲𑁆𑀲 𑀅𑀓𑀢𑀓𑀧𑁆𑀧𑀢𑀸, 𑀅𑀦𑀝𑁆𑀞𑀘𑀻𑀯𑀭𑀸𑀤𑀺𑀢𑀸, 𑀦𑀺𑀯𑀸𑀲𑀦𑀸𑀤𑀺𑀢𑀸𑀢𑀺 𑀢𑀻𑀡𑀺 𑀅𑀗𑁆𑀕𑀸𑀦𑀺.

𑀤𑀼𑀩𑁆𑀩𑀡𑁆𑀡𑀓𑀭𑀡𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.