𑁭. 𑀦𑀺𑀓𑁆𑀓𑀟𑁆𑀠𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁧𑁨𑁬. 𑀲𑀢𑁆𑀢𑀫𑁂 𑀓𑁄𑀝𑁆𑀞𑀓𑀸𑀦𑀻𑀢𑀺 𑀤𑁆𑀯𑀸𑀭𑀓𑁄𑀝𑁆𑀞𑀓𑀸𑀦𑀺.

𑁧𑁨𑁮. ‘‘𑀲𑀓𑀮𑀲𑀗𑁆𑀖𑀸𑀭𑀸𑀫𑀢𑁄 𑀦𑀺𑀓𑁆𑀓𑀟𑁆𑀠𑀺𑀢𑀼𑀁 𑀦 𑀯𑀝𑁆𑀝𑀢𑀻’’𑀢𑀺 𑀇𑀤𑀁 𑀅𑀦𑀦𑀼𑀭𑀽𑀧𑀢𑁄 𑀯𑀼𑀢𑁆𑀢𑀁. 𑀧𑀸𑀧𑀕𑀭𑀳𑀺𑀢𑀸𑀬 𑀳𑀺 𑀅𑀓𑀼𑀧𑀺𑀢𑀘𑀺𑀢𑁆𑀢𑁂𑀦 𑀦𑀺𑀓𑁆𑀓𑀟𑁆𑀠𑀸𑀧𑁂𑀦𑁆𑀢𑀲𑁆𑀲 𑀇𑀫𑀺𑀦𑀸 𑀲𑀺𑀓𑁆𑀔𑀸𑀧𑀤𑁂𑀦 𑀆𑀧𑀢𑁆𑀢𑀺 𑀦𑀢𑁆𑀣𑀺 ‘‘𑀓𑀼𑀧𑀺𑀢𑁄 𑀅𑀦𑀢𑁆𑀢𑀫𑀦𑁄’’𑀢𑀺 𑀯𑀼𑀢𑁆𑀢𑀢𑁆𑀢𑀸. 𑀅𑀜𑁆𑀜𑀸𑀧𑁂𑀓𑁆𑀔𑀸 𑀆𑀧𑀢𑁆𑀢𑀺 𑀦 𑀤𑀺𑀲𑁆𑀲𑀢𑀺. 𑀧𑀸𑀴𑀺𑀬𑀁 ‘‘𑀅𑀮𑀚𑁆𑀚𑀺𑀁 𑀦𑀺𑀓𑁆𑀓𑀟𑁆𑀠𑀢𑀻’’𑀢𑀺𑀆𑀤𑀻𑀲𑀼 𑀘𑀺𑀢𑁆𑀢𑀲𑁆𑀲 𑀮𑀳𑀼𑀧𑀭𑀺𑀯𑀢𑁆𑀢𑀺𑀢𑀸𑀬 𑀅𑀦𑁆𑀢𑀭𑀦𑁆𑀢𑀭𑀸 𑀓𑁄𑀧𑁂 𑀉𑀧𑁆𑀧𑀦𑁆𑀦𑁂𑀧𑀺 𑀅𑀦𑀸𑀧𑀢𑁆𑀢𑀺 𑀅𑀮𑀚𑁆𑀚𑀺𑀢𑀸𑀤𑀺𑀧𑀘𑁆𑀘𑀬𑁂𑀦𑁂𑀯 𑀦𑀺𑀓𑁆𑀓𑀟𑁆𑀠𑀦𑀲𑁆𑀲 𑀆𑀭𑀤𑁆𑀥𑀢𑁆𑀢𑀸. 𑀲𑀗𑁆𑀖𑀺𑀓𑀯𑀺𑀳𑀸𑀭𑁄, 𑀉𑀧𑀲𑀫𑁆𑀧𑀦𑁆𑀦𑀲𑁆𑀲 𑀪𑀡𑁆𑀟𑀦𑀓𑀸𑀭𑀓𑀪𑀸𑀯𑀸𑀤𑀺𑀯𑀺𑀦𑀺𑀫𑀼𑀢𑁆𑀢𑀢𑀸, 𑀓𑁄𑀧𑁂𑀦 𑀦𑀺𑀓𑁆𑀓𑀟𑁆𑀠𑀦𑀁 𑀯𑀸 𑀦𑀺𑀓𑁆𑀓𑀟𑁆𑀠𑀸𑀧𑀦𑀁 𑀯𑀸𑀢𑀺 𑀇𑀫𑀸𑀦𑁂𑀢𑁆𑀣 𑀢𑀻𑀡𑀺 𑀅𑀗𑁆𑀕𑀸𑀦𑀺.

𑀦𑀺𑀓𑁆𑀓𑀟𑁆𑀠𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.