𑁨. 𑀤𑀼𑀢𑀺𑀬𑀯𑀕𑁆𑀕𑀯𑀡𑁆𑀡𑀦𑀸

𑁯𑁦𑁯-𑁯𑁨𑁨. 𑀤𑀲𑀩𑀮𑀜𑀸𑀡𑀦𑁆𑀢𑀺 𑀤𑀲𑀯𑀺𑀥𑀩𑀮𑀜𑀸𑀡𑀁. 𑀏𑀓𑀤𑁂𑀲𑁂𑀦𑀸𑀢𑀺 𑀧𑀤𑁂𑀲𑀯𑀲𑁂𑀦. 𑀲𑀸𑀯𑀓𑀸𑀦𑀫𑁆𑀧𑀺 𑀅𑀢𑁆𑀢𑀦𑁄 𑀅𑀪𑀺𑀦𑀻𑀳𑀸𑀭𑀸𑀦𑀼𑀭𑀽𑀧𑀁 𑀜𑀸𑀡𑀁 𑀧𑀯𑀢𑁆𑀢𑀢𑀻𑀢𑀺 𑀢𑁂 𑀓𑀸𑀮𑀧𑀤𑁂𑀲𑀯𑀲𑁂𑀦 𑀘𑁂𑀯 𑀬𑀣𑀸𑀧𑀭𑀺𑀘𑀬𑀲𑀢𑁆𑀢𑀧𑀤𑁂𑀲𑀯𑀲𑁂𑀦 𑀘 𑀞𑀸𑀦𑀸𑀦𑀻𑀢𑀺 𑀚𑀸𑀦𑀦𑁆𑀢𑀺, 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸𑀦𑀁 𑀧𑀦 𑀅𑀦𑀦𑁆𑀢𑀜𑀸𑀡𑀢𑀸𑀬 𑀲𑀩𑁆𑀩𑀢𑁆𑀣𑁂𑀯 𑀅𑀧𑁆𑀧𑀝𑀺𑀳𑀢𑀫𑁂𑀯 𑀜𑀸𑀡𑀦𑁆𑀢𑀺 𑀆𑀳 𑁋 ‘‘𑀲𑀩𑁆𑀩𑀜𑁆𑀜𑀼𑀩𑀼𑀤𑁆𑀥𑀸𑀦𑀁 𑀧𑀦𑀸’’𑀢𑀺𑀆𑀤𑀺. 𑀏𑀢𑀁 𑀤𑀲𑀩𑀮𑀜𑀸𑀡𑀁 𑀅𑀦𑀦𑁆𑀢𑀯𑀺𑀲𑀬𑀢𑁆𑀢𑀸 𑀦𑀺𑀧𑁆𑀧𑀤𑁂𑀲𑀁 𑀅𑀦𑀽𑀦𑀢𑀸𑀬 𑀲𑀩𑁆𑀩𑀸𑀓𑀸𑀭𑀧𑀭𑀺𑀧𑀽𑀭𑀁.

𑀤𑀼𑀢𑀺𑀬𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀅𑀦𑀼𑀭𑀼𑀤𑁆𑀥𑀲𑀁𑀬𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.