𑁧𑁧. 𑀪𑀤𑁆𑀭𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁩𑁬𑁩. 𑀏𑀯𑀁𑀦𑀸𑀫𑀓𑁂𑀢𑀺 𑀫𑀮𑁆𑀮𑀸 𑀦𑀸𑀫 𑀚𑀸𑀦𑀧𑀤𑀺𑀦𑁄 𑀭𑀸𑀚𑀓𑀼𑀫𑀸𑀭𑀸, 𑀦𑁂𑀲𑀁 𑀦𑀺𑀯𑀸𑀲𑀢𑀸𑀬 ‘‘𑀫𑀮𑁆𑀮𑀸’’𑀇𑀘𑁆𑀘𑁂𑀯 𑀩𑀳𑀼𑀯𑀘𑀦𑀯𑀲𑁂𑀦 𑀮𑀤𑁆𑀥𑀦𑀸𑀫𑀢𑁆𑀢𑀸 𑀏𑀯𑀁𑀦𑀸𑀫𑀓𑁂 𑀚𑀦𑀧𑀤𑁂. 𑀦𑀢𑁆𑀣𑀺 𑀏𑀢𑀲𑁆𑀲 𑀧𑀢𑁆𑀢𑀺𑀬𑀸 𑀓𑀸𑀮𑀦𑁆𑀢𑀭𑀲𑀜𑁆𑀜𑀺𑀢𑁄 𑀓𑀸𑀮𑁄𑀢𑀺 𑀅𑀓𑀸𑀮𑁄, 𑀲𑁄 𑀏𑀯 𑀅𑀓𑀸𑀮𑀺𑀓𑁄. 𑀢𑁂𑀦𑀸𑀳 𑁋 ‘‘𑀓𑀸𑀮𑀁 𑀅𑀦𑀢𑀺𑀓𑁆𑀓𑀫𑀺𑀢𑁆𑀯𑀸 𑀧𑀢𑁆𑀢𑁂𑀦𑀸’’𑀢𑀺. 𑀲𑁄 𑀧𑀦 ‘‘𑀬𑀁𑀓𑀺𑀜𑁆𑀘𑀺 𑀤𑀼𑀓𑁆𑀔𑀁 𑀉𑀧𑁆𑀧𑀚𑁆𑀚𑀫𑀸𑀦𑀁 𑀉𑀧𑁆𑀧𑀚𑁆𑀚𑀢𑀺, 𑀲𑀩𑁆𑀩𑀁 𑀢𑀁 𑀙𑀦𑁆𑀤𑀫𑀽𑀮𑀓’’𑀦𑁆𑀢𑀺 𑀏𑀯𑀁 𑀯𑀼𑀢𑁆𑀢𑁄 𑀤𑀼𑀓𑁆𑀔𑀲𑁆𑀲 𑀙𑀦𑁆𑀤𑀫𑀽𑀮𑀪𑀸𑀯𑁄, 𑀏𑀯𑀁 𑀙𑀦𑁆𑀤𑀫𑀽𑀮𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀓𑀣𑀺𑀢𑀢𑁆𑀢𑀸 ‘‘𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀯𑀝𑁆𑀝𑀤𑀼𑀓𑁆𑀔𑀁 𑀓𑀣𑀺𑀢’’𑀦𑁆𑀢𑀺 𑀯𑀼𑀢𑁆𑀢𑀁.

𑀪𑀤𑁆𑀭𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.