𑁧-𑁮. 𑀧𑀞𑀫𑀚𑁆𑀛𑀸𑀦𑀧𑀜𑁆𑀳𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁩𑁩𑁨-𑁩𑁩𑁯. 𑀓𑀸𑀫𑀲𑀳𑀕𑀢𑁂𑀲𑀼 𑀲𑀜𑁆𑀜𑀸𑀫𑀦𑀲𑀺𑀓𑀸𑀭𑁂𑀲𑀼 𑀉𑀧𑀝𑁆𑀞𑀳𑀦𑁆𑀢𑁂𑀲𑀼 𑀩𑁆𑀬𑀸𑀧𑀸𑀤𑀸𑀤𑀺𑀲𑀳𑀕𑀢𑀸𑀧𑀺 𑀲𑀜𑁆𑀜𑀸𑀫𑀦𑀲𑀺𑀓𑀸𑀭𑀸 𑀬𑀣𑀸𑀧𑀘𑁆𑀘𑀬𑀁 𑀉𑀧𑀝𑁆𑀞𑀳𑀦𑁆𑀢𑀺𑀬𑁂𑀯𑀸𑀢𑀺 𑀯𑀼𑀢𑁆𑀢𑀁 ‘‘𑀓𑀸𑀫𑀲𑀳𑀕𑀢𑀸𑀢𑀺 𑀧𑀜𑁆𑀘𑀦𑀻𑀯𑀭𑀡𑀲𑀳𑀕𑀢𑀸’’𑀢𑀺. 𑀦𑀻𑀯𑀭𑀡𑀸𑀦𑀜𑁆𑀳𑁂𑀢𑁆𑀣 𑀦𑀺𑀤𑀲𑁆𑀲𑀦𑀫𑀢𑁆𑀢𑀫𑁂𑀢𑀁, 𑀬𑀤𑀺𑀤𑀁 𑀓𑀸𑀫𑀕𑁆𑀕𑀳𑀡𑀁. 𑀧𑀳𑀻𑀦𑀸𑀯𑀲𑁂𑀲𑀸 𑀘𑁂𑀢𑁆𑀣 𑀦𑀻𑀯𑀭𑀡𑀸 𑀯𑁂𑀤𑀺𑀢𑀩𑁆𑀩𑀸, 𑀢𑀲𑁆𑀫𑀸 𑀧𑀜𑁆𑀘𑀕𑁆𑀕𑀳𑀡𑀁 𑀦 𑀓𑀢𑁆𑀢𑀩𑁆𑀩𑀁. 𑀢𑀲𑁆𑀲𑀸𑀢𑀺 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑀢𑁆𑀣𑁂𑀭𑀲𑁆𑀲 𑀲𑀦𑁆𑀢𑀢𑁄 𑀉𑀧𑀝𑁆𑀞𑀳𑀺𑀁𑀲𑀼 𑀅𑀘𑀺𑀡𑁆𑀡𑀯𑀲𑀺𑀢𑀸𑀬. 𑀢𑁂𑀦𑀸𑀳 ‘‘𑀳𑀸𑀦𑀪𑀸𑀕𑀺𑀬𑀁 𑀦𑀸𑀫 𑀅𑀳𑁄𑀲𑀻’’𑀢𑀺. 𑀆𑀭𑀫𑁆𑀫𑀡…𑀧𑁂… 𑀲𑀳𑀕𑀢𑀦𑁆𑀢𑀺 𑀯𑀼𑀢𑁆𑀢𑀁 𑀇𑀢𑀭𑁂𑀲𑀁 𑀅𑀪𑀸𑀯𑀢𑁄.

𑀧𑀞𑀫𑀚𑁆𑀛𑀸𑀦𑀧𑀜𑁆𑀳𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.