𑁧-𑁨. 𑀫𑀸𑀢𑀼𑀕𑀸𑀫𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁮𑁦-𑁨𑁮𑁧. 𑀅𑀕𑀼𑀡𑀗𑁆𑀕𑁂𑀳𑀻𑀢𑀺 𑀅𑀕𑀼𑀡𑀓𑁄𑀝𑁆𑀞𑀸𑀲𑁂𑀳𑀺. 𑀭𑀽𑀧𑀬𑀢𑀻𑀢𑀺 𑀭𑀽𑀧𑀁, 𑀲𑀭𑀻𑀭𑀭𑀽𑀧𑀁. 𑀲𑀭𑀻𑀭𑀭𑀽𑀧𑀁 𑀧𑀸𑀲𑀁𑀲𑀁 𑀏𑀢𑀲𑁆𑀲 𑀅𑀢𑁆𑀣𑀻𑀢𑀺 𑀭𑀽𑀧𑀯𑀸, 𑀢𑀧𑁆𑀧𑀝𑀺𑀓𑁆𑀔𑁂𑀧𑁂𑀦 𑀦 𑀘 𑀭𑀽𑀧𑀯𑀸, 𑀲𑀫𑁆𑀧𑀦𑁆𑀦𑀭𑀽𑀧𑁄 𑀦 𑀳𑁄𑀢𑀻𑀢𑀺 𑀅𑀢𑁆𑀣𑁄. 𑀜𑀸𑀢𑀺𑀓𑀼𑀮𑀢𑁄 𑀅𑀜𑁆𑀜𑀢𑁄 𑀯𑀸 𑀆𑀕𑀢𑀸𑀬 𑀪𑁄𑀕𑀲𑀫𑁆𑀧𑀤𑀸𑀬 𑀅𑀪𑀸𑀯𑁂𑀦 𑀦 𑀪𑁄𑀕𑀲𑀫𑁆𑀧𑀦𑁆𑀦𑁄. 𑀤𑀼𑀲𑁆𑀲𑀻𑀮𑁄𑀢𑀺 𑀦𑀺𑀲𑁆𑀲𑀻𑀮𑁄. 𑀦𑀺𑀲𑁆𑀲𑀻𑀮𑀢𑀸𑀬 𑀏𑀯 𑀘𑀲𑁆𑀲𑀸 𑀧𑀼𑀩𑁆𑀩𑀼𑀝𑁆𑀞𑀸𑀬𑀺𑀢𑀸𑀤𑀺𑀆𑀘𑀸𑀭𑀸𑀪𑀸𑀯𑁄 𑀯𑀼𑀢𑁆𑀢𑁄. 𑀆𑀮𑀲𑀺𑀬𑁄𑀢𑀺 𑀆𑀮𑀲𑀺𑀬𑀢𑀸𑀬 𑀬𑀼𑀢𑁆𑀢𑁄. 𑀧𑀚𑀜𑁆𑀘𑀲𑁆𑀲 𑀦 𑀮𑀪𑀢𑀻𑀢𑀺 𑀧𑀚𑀸𑀪𑀸𑀯𑀲𑀻𑀲𑁂𑀦 𑀢𑀲𑁆𑀲𑀸 𑀧𑀭𑀺𑀯𑀸𑀭𑀳𑀸𑀦𑀺 𑀯𑀼𑀢𑁆𑀢𑀸. 𑀧𑀭𑀺𑀯𑀢𑁆𑀢𑁂𑀢𑀩𑁆𑀩𑀦𑁆𑀢𑀺 𑀧𑀼𑀭𑀺𑀲𑀯𑀲𑁂𑀦 𑀧𑀭𑀺𑀯𑀢𑁆𑀢𑁂𑀢𑀩𑁆𑀩𑀁.

𑀫𑀸𑀢𑀼𑀕𑀸𑀫𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.