𑁫. 𑀤𑀝𑁆𑀞𑀩𑁆𑀩𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁫𑁩. 𑀯𑀺𑀧𑀭𑀺𑀡𑀸𑀫𑀦𑀯𑀲𑁂𑀦 𑀤𑀼𑀓𑁆𑀔𑀢𑁄 𑀤𑀝𑁆𑀞𑀩𑁆𑀩𑀸𑀢𑀺 𑀓𑀺𑀜𑁆𑀘𑀸𑀧𑀺 𑀲𑀼𑀔𑀸, 𑀧𑀭𑀺𑀡𑀸𑀫𑀤𑀼𑀓𑁆𑀔𑀢𑀸 𑀧𑀦 𑀲𑀼𑀔𑀯𑁂𑀤𑀦𑀸𑀬 𑀏𑀓𑀦𑁆𑀢𑀺𑀓𑀸𑀢𑀺. 𑀯𑀺𑀦𑀺𑀯𑀺𑀚𑁆𑀛𑀦𑀝𑁆𑀞𑁂𑀦𑀸𑀢𑀺 𑀧𑀻𑀴𑀦𑀯𑀲𑁂𑀦 𑀅𑀢𑁆𑀢𑀪𑀸𑀯𑀲𑁆𑀲 𑀯𑀺𑀚𑁆𑀛𑀦𑀝𑁆𑀞𑁂𑀦. 𑀳𑀼𑀢𑁆𑀯𑀸𑀢𑀺 𑀧𑀘𑁆𑀘𑀬𑀲𑀫𑀸𑀕𑀫𑁂𑀦 𑀉𑀧𑁆𑀧𑀚𑁆𑀚𑀺𑀢𑁆𑀯𑀸. 𑀢𑁂𑀦 𑀧𑀸𑀓𑀪𑀸𑀯𑀧𑀼𑀩𑁆𑀩𑀓𑁄 𑀅𑀢𑁆𑀢𑀮𑀸𑀪𑁄 𑀯𑀼𑀢𑁆𑀢𑁄. 𑀅𑀪𑀸𑀯𑀸𑀓𑀸𑀭𑁂𑀦𑀸𑀢𑀺 𑀪𑀗𑁆𑀕𑀼𑀧𑀕𑀫𑀦𑀸𑀓𑀸𑀭𑁂𑀦. 𑀢𑁂𑀦 𑀯𑀺𑀤𑁆𑀥𑀁𑀲𑀪𑀸𑀯𑁄 𑀯𑀼𑀢𑁆𑀢𑁄. 𑀉𑀪𑀬𑁂𑀦 𑀉𑀤𑀬𑀩𑁆𑀩𑀬𑀧𑀭𑀺𑀘𑁆𑀙𑀺𑀦𑁆𑀦𑀢𑀸𑀬 𑀲𑀺𑀔𑀧𑁆𑀧𑀢𑁆𑀢𑀁 𑀅𑀦𑀺𑀘𑁆𑀘𑀢𑀁 𑀤𑀲𑁆𑀲𑁂𑀢𑀺. 𑀲𑁆𑀯𑀸𑀬𑀁 𑀳𑀼𑀢𑁆𑀯𑀸 𑀅𑀪𑀸𑀯𑀸𑀓𑀸𑀭𑁄 𑀇𑀢𑀭𑀸𑀲𑀼𑀧𑀺 𑀯𑁂𑀤𑀦𑀸𑀲𑀼 𑀮𑀩𑁆𑀪𑀢𑁂𑀯, 𑀅𑀥𑀺𑀓𑁄 𑀘 𑀧𑀦 𑀤𑁆𑀯𑀺𑀦𑁆𑀦𑀁 𑀤𑀼𑀓𑁆𑀔𑀲𑀪𑀸𑀯𑁄. 𑀤𑀼𑀓𑁆𑀔𑀢𑀸𑀯𑀲𑁂𑀦 𑀧𑀼𑀭𑀺𑀫𑀸𑀦𑀁 𑀯𑁂𑀤𑀦𑀸𑀦𑀁 𑀤𑀝𑁆𑀞𑀩𑁆𑀩𑀢𑀸𑀬 𑀤𑀲𑁆𑀲𑀺𑀢𑀢𑁆𑀢𑀸 𑀧𑀘𑁆𑀙𑀺𑀫𑀸𑀬 𑀯𑁂𑀤𑀦𑀸𑀬 𑀏𑀯𑀁 𑀤𑀝𑁆𑀞𑀩𑁆𑀩𑀢𑀸 𑀤𑀲𑁆𑀲𑀺𑀢𑀸. 𑀅𑀤𑁆𑀤𑀸𑀢𑀺 𑀜𑀸𑀡𑀕𑀢𑀺𑀬𑀸 𑀲𑀘𑁆𑀙𑀺𑀓𑀢𑁆𑀯𑀸 𑀅𑀤𑀓𑁆𑀔𑀺. 𑀜𑀸𑀡𑀕𑀫𑀦𑀜𑁆𑀳𑁂𑀢𑀁, 𑀬𑀤𑀺𑀤𑀁 𑀤𑀼𑀓𑁆𑀔𑀢𑁄 𑀤𑀲𑁆𑀲𑀦𑀁. 𑀲𑀦𑁆𑀢𑀲𑀪𑀸𑀯𑀁 𑀲𑀼𑀔𑀤𑀼𑀓𑁆𑀔𑀢𑁄 𑀉𑀧𑀲𑀦𑁆𑀢𑀭𑀽𑀧𑀢𑁆𑀢𑀸.

𑀤𑀝𑁆𑀞𑀩𑁆𑀩𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.