𑁭. 𑀤𑀼𑀢𑀺𑀬𑀅𑀯𑀺𑀚𑁆𑀚𑀸𑀧𑀳𑀸𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁦. 𑀅𑀦𑀺𑀘𑁆𑀘𑀸𑀤𑀺𑀯𑀲𑁂𑀦 𑀅𑀪𑀺𑀦𑀺𑀯𑀺𑀲𑀦𑀁 𑀅𑀪𑀺𑀦𑀺𑀯𑁂𑀲𑁄, 𑀲𑁄 𑀏𑀯 𑀥𑀫𑁆𑀫𑀲𑀪𑀸𑀯𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀧𑀭𑀢𑁄 𑀆𑀫𑀲𑀦𑀢𑁄 𑀧𑀭𑀸𑀫𑀸𑀲𑁄, 𑀲𑁄 𑀏𑀯 𑀕𑀸𑀳𑁄. 𑀢𑁂𑀦 𑀅𑀪𑀺𑀦𑀺𑀯𑁂𑀲𑀧𑀭𑀸𑀫𑀸𑀲𑀕𑁆𑀕𑀸𑀳𑁂𑀦 𑀕𑀡𑁆𑀳𑀺𑀢𑀼𑀁 𑀦 𑀬𑀼𑀢𑁆𑀢𑀸 𑀅𑀦𑀺𑀘𑁆𑀘𑀸𑀤𑀺𑀲𑀪𑀸𑀯𑀢𑁆𑀢𑀸. 𑀲𑀗𑁆𑀔𑀸𑀭𑀸 𑀏𑀯 𑀧𑀯𑀢𑁆𑀢𑀺𑀬𑀸 𑀓𑀸𑀭𑀡𑀪𑀸𑀯𑀢𑁄 𑀲𑀗𑁆𑀔𑀸𑀭𑀦𑀺𑀫𑀺𑀢𑁆𑀢𑀸𑀦𑀺. 𑀬𑁄 𑀲𑀗𑁆𑀔𑀸𑀭𑁂𑀲𑀼 𑀅𑀧𑀭𑀺𑀜𑁆𑀜𑀸𑀢𑀸𑀪𑀺𑀦𑀺𑀯𑁂𑀲𑁂𑀦 𑀧𑀲𑁆𑀲𑀺𑀢𑀩𑁆𑀩𑁄 𑀅𑀢𑁆𑀢𑀸𑀓𑀸𑀭𑁄, 𑀲𑁄 𑀦 𑀳𑁄𑀢𑀻𑀢𑀺 𑀅𑀜𑁆𑀜𑁄 𑀅𑀦𑀢𑁆𑀢𑀸𑀓𑀸𑀭𑁄, 𑀢𑀢𑁄 𑀅𑀜𑁆𑀜𑀢𑁄 𑀧𑀲𑁆𑀲𑀢𑀺. 𑀧𑀭𑀺𑀜𑁆𑀜𑀸𑀢𑀸𑀪𑀺𑀦𑀺𑀯𑁂𑀲𑁄𑀢𑀺 𑀢𑀻𑀭𑀡𑀧𑀭𑀺𑀜𑁆𑀜𑀸𑀬 𑀧𑀭𑀺𑀘𑁆𑀙𑀺𑀚𑁆𑀚 𑀜𑀸𑀢𑀫𑀺𑀘𑁆𑀙𑀸𑀪𑀺𑀦𑀺𑀯𑁂𑀲𑁄. 𑀧𑀭𑀺𑀜𑁆𑀜𑀸𑀢𑀸𑀪𑀺𑀦𑀺𑀯𑁂𑀲𑁄𑀢𑀺 𑀯𑀸 𑀧𑀭𑀺𑀜𑁆𑀜𑀸𑀢𑀯𑀺𑀧𑀲𑁆𑀲𑀦𑀸𑀪𑀺𑀦𑀺𑀯𑁂𑀲𑁄. 𑀯𑀺𑀧𑀲𑁆𑀲𑀦𑀸𑀢𑀺 𑀅𑀭𑀽𑀧𑀲𑀢𑁆𑀢𑀓𑀯𑀲𑁂𑀦 𑀯𑀺𑀧𑀲𑁆𑀲𑀦𑀸𑀬 𑀧𑀭𑀺𑀚𑀸𑀦𑀺𑀢𑀩𑁆𑀩𑀸.

𑀤𑀼𑀢𑀺𑀬𑀅𑀯𑀺𑀚𑁆𑀚𑀸𑀧𑀳𑀸𑀦𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.