𑁧-𑁪. 𑀧𑀞𑀫𑀧𑀼𑀩𑁆𑀩𑁂𑀲𑀫𑁆𑀩𑁄𑀥𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁩-𑁧𑁬. 𑀤𑁆𑀯𑀻𑀲𑀼𑀧𑀺 𑀲𑀼𑀢𑁆𑀢𑁂𑀲𑀼 𑀆𑀬𑀢𑀦𑀸𑀦𑀁 𑀯𑀲𑁂𑀦 𑀤𑁂𑀲𑀦𑀸 𑀏𑀓𑀭𑀲𑀸𑀯𑀸𑀢𑀺 ‘‘𑀧𑀞𑀫𑀤𑀼𑀢𑀺𑀬𑁂𑀲𑀽’’𑀢𑀺 𑀏𑀓𑀚𑁆𑀛𑀁 𑀧𑀤𑀼𑀤𑁆𑀥𑀸𑀭𑁄 𑀓𑀢𑁄. 𑀆𑀳𑀺𑀢𑁄 𑀅𑀳𑀁𑀫𑀸𑀦𑁄 𑀏𑀢𑁆𑀣𑀸𑀢𑀺 𑀅𑀢𑁆𑀢𑀸, 𑀅𑀢𑁆𑀢𑀪𑀸𑀯𑁄. 𑀅𑀢𑁆𑀢𑀸𑀦𑀫𑀥𑀺 𑀅𑀚𑁆𑀛𑀢𑁆𑀢𑀁, 𑀢𑀧𑁆𑀧𑀭𑀺𑀬𑀸𑀧𑀦𑁆𑀦𑀢𑁆𑀢𑀸 𑀢𑀢𑁆𑀣 𑀪𑀯𑀸𑀦𑀺 𑀅𑀚𑁆𑀛𑀢𑁆𑀢𑀺𑀓𑀸𑀦𑀺, 𑀢𑁂𑀲𑀁 𑀅𑀚𑁆𑀛𑀢𑁆𑀢𑀺𑀓𑀸𑀦𑀁. 𑀅𑀚𑁆𑀛𑀢𑁆𑀢𑀜𑁆𑀘 𑀦𑀸𑀫 𑀅𑀚𑁆𑀛𑀢𑁆𑀢𑀚𑁆𑀛𑀢𑁆𑀢𑀁, 𑀦𑀺𑀬𑀓𑀚𑁆𑀛𑀢𑁆𑀢𑀁, 𑀕𑁄𑀘𑀭𑀚𑁆𑀛𑀢𑁆𑀢𑀁, 𑀯𑀺𑀲𑀬𑀚𑁆𑀛𑀢𑁆𑀢𑀦𑁆𑀢𑀺 𑀘𑀢𑀼𑀩𑁆𑀩𑀺𑀥𑀁. 𑀢𑀢𑁆𑀣 𑀅𑀚𑁆𑀛𑀢𑁆𑀢𑀚𑁆𑀛𑀢𑁆𑀢𑀁 𑀅𑀚𑁆𑀛𑀢𑁆𑀢𑁂 𑀪𑀯𑀦𑁆𑀢𑀺 𑀅𑀚𑁆𑀛𑀢𑁆𑀢𑀺𑀓𑀦𑁆𑀢𑀺 𑀆𑀳 ‘‘𑀅𑀚𑁆𑀛𑀢𑁆𑀢𑀚𑁆𑀛𑀢𑁆𑀢𑀯𑀲𑁂𑀦 𑀅𑀚𑁆𑀛𑀢𑁆𑀢𑀺𑀓𑀸𑀦’’𑀦𑁆𑀢𑀺. 𑀢𑁂𑀲𑀁 𑀘𑀓𑁆𑀔𑀸𑀤𑀻𑀦𑀁 𑀅𑀚𑁆𑀛𑀢𑁆𑀢𑁂𑀲𑀼𑀧𑀺 𑀅𑀚𑁆𑀛𑀢𑁆𑀢𑀺𑀓𑀪𑀸𑀯𑁄 𑀅𑀥𑀺𑀓𑀲𑀺𑀦𑁂𑀳𑀯𑀢𑁆𑀣𑀼𑀢𑀸𑀬𑀸𑀢𑀺 𑀆𑀳 ‘‘𑀙𑀦𑁆𑀤𑀭𑀸𑀕𑀲𑁆𑀲 𑀅𑀥𑀺𑀫𑀢𑁆𑀢𑀩𑀮𑀯𑀢𑀸𑀬𑀸’’𑀢𑀺. 𑀇𑀤𑀸𑀦𑀺 𑀢𑀢𑁆𑀣 𑀢𑀫𑀢𑁆𑀣𑀁 𑀧𑀝𑀺𑀬𑁄𑀕𑀺𑀦𑀸 𑀲𑀤𑁆𑀥𑀺𑀁 𑀉𑀤𑀸𑀳𑀭𑀡𑀯𑀲𑁂𑀦 𑀤𑀲𑁆𑀲𑁂𑀦𑁆𑀢𑁄 ‘‘𑀫𑀦𑀼𑀲𑁆𑀲𑀸𑀦𑀁 𑀳𑀻’’𑀢𑀺𑀆𑀤𑀺𑀫𑀸𑀳. 𑀢𑀁 𑀉𑀢𑁆𑀢𑀸𑀦𑀫𑁂𑀯. 𑀩𑀸𑀳𑀺𑀭𑀸𑀦𑀻𑀢𑀺 𑀅𑀚𑁆𑀛𑀢𑁆𑀢𑀺𑀓𑀢𑁄 𑀩𑀳𑀺 𑀪𑀯𑀸𑀦𑀺.

𑀧𑀞𑀫𑀧𑀼𑀩𑁆𑀩𑁂𑀲𑀫𑁆𑀩𑁄𑀥𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.