𑁫-𑁬. 𑀲𑀓𑁆𑀓𑀧𑀜𑁆𑀳𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁧𑁮-𑁧𑁧𑁯. 𑀤𑀺𑀝𑁆𑀞𑁂𑀢𑀺 𑀧𑀘𑁆𑀘𑀓𑁆𑀔𑀪𑀽𑀢𑁂. 𑀥𑀫𑁆𑀫𑁂𑀢𑀺 𑀉𑀧𑀸𑀤𑀸𑀦𑀓𑁆𑀔𑀦𑁆𑀥𑀥𑀫𑁆𑀫𑁂. 𑀢𑀢𑁆𑀣 𑀳𑀺 𑀅𑀢𑁆𑀢𑀸𑀢𑀺 𑀪𑀯𑀢𑀺 𑀲𑀜𑁆𑀜𑀸 𑀤𑀺𑀝𑁆𑀞𑀺 𑀘𑀸𑀢𑀺 𑀅𑀢𑁆𑀢𑀪𑀸𑀯𑀲𑀜𑁆𑀜𑀸. 𑀢𑁂𑀦𑀸𑀳 𑁋 ‘‘𑀤𑀺𑀝𑁆𑀞𑁂𑀯 𑀥𑀫𑁆𑀫𑁂𑀢𑀺 𑀇𑀫𑀲𑁆𑀫𑀺𑀁𑀬𑁂𑀯 𑀅𑀢𑁆𑀢𑀪𑀸𑀯𑁂’’𑀢𑀺. ‘‘𑀢𑀦𑁆𑀦𑀺𑀲𑁆𑀲𑀺𑀢’’𑀦𑁆𑀢𑀺 𑀏𑀢𑁆𑀣 𑀢𑀁-𑀲𑀤𑁆𑀤𑁂𑀦 𑀳𑁂𑀝𑁆𑀞𑀸 𑀅𑀪𑀺𑀦𑀦𑁆𑀤𑀦𑀸𑀤𑀺𑀧𑀭𑀺𑀬𑀸𑀬𑁂𑀦 𑀯𑀼𑀢𑁆𑀢𑀸 𑀢𑀡𑁆𑀳𑀸 𑀧𑀘𑁆𑀘𑀸𑀫𑀝𑁆𑀞𑀸𑀢𑀺 𑀆𑀳 𑁋 ‘‘𑀢𑀡𑁆𑀳𑀸𑀦𑀺𑀲𑁆𑀲𑀺𑀢’’𑀦𑁆𑀢𑀺. 𑀢𑀁 𑀉𑀧𑀸𑀤𑀸𑀦𑀁 𑀏𑀢𑀲𑁆𑀲𑀸𑀢𑀺 𑀢𑀤𑀼𑀧𑀸𑀤𑀸𑀦𑀁. 𑀢𑁂𑀦𑀸𑀳 𑁋 ‘‘𑀢𑀁𑀕𑀳𑀡’’𑀦𑁆𑀢𑀺𑀆𑀤𑀺. 𑀢𑀡𑁆𑀳𑀼𑀧𑀸𑀤𑀸𑀦𑀲𑀗𑁆𑀔𑀸𑀢𑀁 𑀕𑀳𑀡𑀁 𑀏𑀢𑀲𑁆𑀲𑀸𑀢𑀺 𑀢𑀁𑀕𑀳𑀡𑀁. 𑀙𑀝𑁆𑀞𑀁 𑀉𑀢𑁆𑀢𑀸𑀦𑀫𑁂𑀯 𑀧𑀜𑁆𑀘𑀫𑁂 𑀯𑀼𑀢𑁆𑀢𑀦𑀬𑀢𑁆𑀢𑀸.

𑀲𑀓𑁆𑀓𑀧𑀜𑁆𑀳𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.