𑁧. 𑀫𑀸𑀭𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁬𑁦. 𑀫𑀸𑀭𑀲𑀤𑁆𑀤𑁄𑀬𑀁 𑀪𑀸𑀯𑀲𑀸𑀥𑀦𑁄𑀢𑀺 𑀤𑀲𑁆𑀲𑁂𑀦𑁆𑀢𑁄 ‘‘𑀫𑀸𑀭𑁄 𑀯𑀸 𑀅𑀲𑁆𑀲𑀸𑀢𑀺 𑀫𑀭𑀡𑀁 𑀯𑀸 𑀪𑀯𑁂𑀬𑁆𑀬𑀸’’𑀢𑀺 𑀆𑀳. 𑀫𑀸𑀭𑁂𑀢𑀸𑀢𑀺 𑀫𑀭𑀺𑀢𑀩𑁆𑀩𑁄 𑀫𑀸𑀭𑀁 𑀫𑀭𑀡𑀁 𑀏𑀢𑀩𑁆𑀩𑁄𑀢𑀺 𑀆𑀳 ‘‘𑀫𑀸𑀭𑁂𑀢𑀩𑁆𑀩𑁄’’𑀢𑀺. 𑀅𑀦𑀼𑀧𑀸𑀤𑀸𑀦𑀺𑀩𑁆𑀩𑀸𑀦𑀢𑁆𑀣𑀸𑀢𑀺 𑀨𑀮𑀯𑀺𑀫𑀼𑀢𑁆𑀢𑀺𑀲𑀗𑁆𑀔𑀸𑀢𑀸 𑀅𑀭𑀳𑀢𑁄 𑀅𑀭𑀳𑀦𑁆𑀢𑀢𑀸 𑀦𑀸𑀫 𑀬𑀸𑀯𑀤𑁂𑀯 𑀅𑀦𑀼𑀧𑀸𑀤𑀸𑀦𑀺𑀩𑁆𑀩𑀸𑀦𑀢𑁆𑀣𑀸. 𑀦𑀺𑀩𑁆𑀩𑀸𑀦𑀩𑁆𑀪𑀦𑁆𑀢𑀭𑁂𑀢𑀺 𑀅𑀦𑀼𑀧𑀸𑀤𑀸𑀦𑀺𑀩𑁆𑀩𑀸𑀦𑀸𑀥𑀺𑀕𑀫𑀲𑁆𑀲 𑀅𑀩𑁆𑀪𑀦𑁆𑀢𑀭𑁂 𑀢𑀢𑁄 𑀑𑀭𑀫𑁂𑀯 𑀇𑀤𑀁 𑀫𑀕𑁆𑀕𑀁 𑀩𑁆𑀭𑀳𑁆𑀫𑀘𑀭𑀺𑀬𑀁 𑀯𑀼𑀲𑁆𑀲𑀢𑀺, 𑀦 𑀢𑀢𑁄 𑀧𑀭𑀁. 𑀅𑀲𑁆𑀲𑀸𑀢𑀺 𑀩𑁆𑀭𑀳𑁆𑀫𑀘𑀭𑀺𑀬𑀲𑁆𑀲.

𑀫𑀸𑀭𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.