𑁬. 𑀅𑀲𑁆𑀲𑀚𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁮. 𑀧𑀲𑁆𑀲𑀫𑁆𑀪𑀺𑀢𑁆𑀯𑀸𑀢𑀺 𑀦𑀺𑀭𑁄𑀥𑁂𑀢𑁆𑀯𑀸. 𑀦𑁄 𑀘 𑀲𑁆𑀯𑀸𑀳𑀦𑁆𑀢𑀺 𑀦𑁄 𑀘 𑀲𑀼 𑀅𑀳𑀁. 𑀧𑀭𑀺𑀳𑀸𑀬𑀺 𑀓𑀼𑀧𑁆𑀧𑀥𑀫𑁆𑀫𑀢𑁆𑀢𑀸. 𑀏𑀢𑀦𑁆𑀢𑀺 𑀲𑀫𑀸𑀥𑀺𑀫𑀢𑁆𑀢𑀲𑀸𑀭𑀁, 𑀲𑀻𑀮𑀫𑀢𑁆𑀢𑁂 𑀧𑀦 𑀯𑀢𑁆𑀢𑀩𑁆𑀩𑀫𑁂𑀯 𑀦𑀢𑁆𑀣𑀺. 𑀓𑀣𑀁 𑀳𑁄𑀢𑀻𑀢𑀺 𑀓𑀣𑀁 𑀅𑀪𑀺𑀦𑀦𑁆𑀤𑀦𑀸 𑀳𑁄𑀢𑀺. 𑀤𑀼𑀓𑁆𑀔𑀁 𑀧𑀢𑁆𑀯𑀸𑀢𑀺 𑀤𑀼𑀓𑁆𑀔𑀼𑀧𑁆𑀧𑀢𑁆𑀢𑀺𑀳𑁂𑀢𑀼 𑀲𑀼𑀔𑀁 𑀧𑀢𑁆𑀣𑁂𑀢𑀺 ‘‘𑀏𑀯𑀁 𑀫𑁂 𑀤𑀼𑀓𑁆𑀔𑀧𑀭𑀺𑀴𑀸𑀳𑁄 𑀦 𑀪𑀯𑀺𑀲𑁆𑀲𑀢𑀻’’𑀢𑀺. 𑀬𑀤𑀕𑁆𑀕𑁂𑀦𑀸𑀢𑀺 𑀬𑁂𑀦 𑀪𑀸𑀕𑁂𑀦. ‘‘𑀤𑀼𑀓𑁆𑀔𑀁 𑀧𑀢𑁆𑀣𑁂𑀢𑀺𑀬𑁂𑀯𑀸’’𑀢𑀺 𑀯𑀢𑁆𑀯𑀸 𑀢𑀢𑁆𑀣 𑀓𑀸𑀭𑀡𑀫𑀸𑀳 ‘‘𑀲𑀼𑀔𑀯𑀺𑀧𑀭𑀺𑀡𑀸𑀫𑁂𑀦 𑀳𑀻’’𑀢𑀺𑀆𑀤𑀺. 𑀲𑀼𑀔𑀯𑀺𑀧𑀭𑀺𑀯𑀢𑁆𑀢𑁂 𑀲𑀼𑀔𑀯𑀺𑀧𑀭𑀺𑀡𑀸𑀫𑀤𑀼𑀓𑁆𑀔𑀁, 𑀢𑀲𑁆𑀫𑀸 𑀲𑀼𑀔𑀁 𑀅𑀪𑀺𑀦𑀦𑁆𑀤𑀦𑁆𑀢𑁄 𑀅𑀢𑁆𑀣𑀢𑁄 𑀤𑀼𑀓𑁆𑀔𑀁 𑀅𑀪𑀺𑀦𑀦𑁆𑀤𑀢𑀺 𑀦𑀸𑀫.

𑀅𑀲𑁆𑀲𑀚𑀺𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.