𑁪. 𑀅𑀦𑀼𑀭𑀸𑀥𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁬. 𑀢𑀲𑁆𑀲𑁂𑀯 𑀯𑀺𑀳𑀸𑀭𑀲𑁆𑀲𑀸𑀢𑀺 𑀫𑀳𑀸𑀯𑀦𑁂 𑀬𑀲𑁆𑀫𑀺𑀁 𑀯𑀺𑀳𑀸𑀭𑁂 𑀪𑀕𑀯𑀸 𑀯𑀺𑀳𑀭𑀢𑀺, 𑀢𑀲𑁆𑀲𑁂𑀯 𑀯𑀺𑀳𑀸𑀭𑀲𑁆𑀲. 𑀇𑀫𑁂𑀢𑀺 𑀅𑀜𑁆𑀜𑀢𑀺𑀢𑁆𑀣𑀺𑀬𑀸. 𑀬𑀲𑁆𑀫𑀸 𑀅𑀬𑀁 𑀣𑁂𑀭𑁄 𑀞𑀧𑀦𑀻𑀬𑀁 𑀧𑀜𑁆𑀳𑀁 𑀞𑀧𑀦𑀻𑀬𑀪𑀸𑀯𑁂𑀦 𑀦 𑀞𑀧𑁂𑀲𑀺, 𑀢𑀲𑁆𑀫𑀸. 𑀅𑀜𑁆𑀜𑀢𑀺𑀢𑁆𑀣𑀺𑀬𑀸…𑀧𑁂… 𑀏𑀢𑀤𑀯𑁄𑀘𑀼𑀁. 𑀢𑁂𑀦𑀸𑀳 ‘‘𑀏𑀓𑀤𑁂𑀲𑁂𑀦 𑀲𑀸𑀲𑀦𑀲𑀫𑀬𑀁 𑀚𑀸𑀦𑀦𑁆𑀢𑀸’’𑀢𑀺.

𑀕𑀳𑀺𑀢𑀫𑁂𑀯 𑀳𑁄𑀢𑀺 𑀢𑀢𑁄 𑀧𑀕𑁂𑀯 𑀲𑀺𑀤𑁆𑀥𑀢𑁆𑀢𑀸. 𑀢𑁂𑀦𑀸𑀳 ‘‘𑀢𑀲𑁆𑀲 𑀫𑀽𑀮𑀢𑁆𑀢𑀸’’𑀢𑀺. 𑀏𑀯𑀦𑁆𑀢𑀺 ‘‘𑀤𑀼𑀓𑁆𑀔𑀜𑁆𑀘𑁂𑀯 𑀧𑀜𑁆𑀜𑀧𑁂𑀫𑀺, 𑀤𑀼𑀓𑁆𑀔𑀲𑁆𑀲 𑀘 𑀦𑀺𑀭𑁄𑀥’’𑀦𑁆𑀢𑀺 𑀏𑀯𑀁. 𑀯𑀝𑁆𑀝𑀯𑀺𑀯𑀝𑁆𑀝𑀫𑁂𑀯𑀸𑀢𑀺 𑀧𑀜𑁆𑀘𑀦𑁆𑀦𑀁 𑀧𑀦 𑀔𑀦𑁆𑀥𑀸𑀦𑀁 𑀲𑀫𑀦𑀼𑀧𑀲𑁆𑀲𑀦𑀸𑀬 𑀯𑀲𑁂𑀦 𑀯𑀝𑁆𑀝𑀁, ‘‘𑀏𑀯𑀁 𑀧𑀲𑁆𑀲’’𑀦𑁆𑀢𑀺𑀆𑀤𑀺𑀦𑀸 𑀯𑀺𑀯𑀝𑁆𑀝𑀁 𑀓𑀣𑀺𑀢𑀫𑁂𑀯.

𑀅𑀦𑀼𑀭𑀸𑀥𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.