𑁩. 𑀅𑀦𑀺𑀘𑁆𑀘𑀲𑀼𑀢𑁆𑀢𑀯𑀡𑁆𑀡𑀦𑀸

𑁪𑁫. 𑀯𑀺𑀭𑀸𑀕𑁄 𑀦𑀸𑀫 𑀫𑀕𑁆𑀕𑁄, 𑀯𑀺𑀫𑀼𑀢𑁆𑀢𑀺𑀨𑀮𑀦𑁆𑀢𑀺 𑀆𑀳 𑁋 ‘‘𑀫𑀕𑁆𑀕𑀓𑁆𑀔𑀡𑁂 𑀯𑀺𑀭𑀚𑁆𑀚𑀢𑀺, 𑀨𑀮𑀓𑁆𑀔𑀡𑁂 𑀯𑀺𑀫𑀼𑀘𑁆𑀘𑀢𑀻’’𑀢𑀺. 𑀅𑀕𑁆𑀕𑀳𑁂𑀢𑁆𑀯𑀸𑀢𑀺 𑀏𑀯𑀁 𑀦𑀺𑀭𑀼𑀚𑁆𑀛𑀫𑀸𑀦𑁂𑀳𑀺 𑀆𑀲𑀯𑁂𑀳𑀺 ‘‘𑀅𑀳𑀁 𑀫𑀫𑀸’’𑀢𑀺 𑀓𑀜𑁆𑀘𑀺 𑀥𑀫𑁆𑀫𑀁 𑀅𑀦𑀸𑀤𑀺𑀬𑀺𑀢𑁆𑀯𑀸. ‘‘𑀘𑀺𑀢𑁆𑀢𑀁 𑀯𑀺𑀭𑀢𑁆𑀢𑀁, 𑀯𑀺𑀫𑀼𑀢𑁆𑀢𑀁 𑀳𑁄𑀢𑀻’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀨𑀮𑀁 𑀕𑀬𑁆𑀳𑀢𑀺, ‘‘𑀔𑀻𑀡𑀸 𑀚𑀸𑀢𑀻’’𑀢𑀺𑀆𑀤𑀺𑀦𑀸 𑀧𑀘𑁆𑀘𑀯𑁂𑀓𑁆𑀔𑀡𑀸𑀢𑀺 𑀆𑀳 ‘‘𑀲𑀳 𑀨𑀮𑁂𑀦 𑀧𑀘𑁆𑀘𑀯𑁂𑀓𑁆𑀔𑀡𑀤𑀲𑁆𑀲𑀦𑀢𑁆𑀣’’𑀦𑁆𑀢𑀺. 𑀉𑀧𑀭𑀺 𑀓𑀢𑁆𑀢𑀩𑁆𑀩𑀓𑀺𑀘𑁆𑀘𑀸𑀪𑀸𑀯𑁂𑀦 𑀞𑀺𑀢𑀁. 𑀢𑁂𑀦𑀸𑀳 ‘‘𑀯𑀺𑀫𑀼𑀢𑁆𑀢𑀢𑁆𑀢𑀸 𑀞𑀺𑀢’’𑀦𑁆𑀢𑀺. 𑀬𑀁 𑀧𑀢𑁆𑀢𑀩𑁆𑀩𑀁, 𑀢𑀁 𑀅𑀕𑁆𑀕𑀨𑀮𑀲𑁆𑀲 𑀧𑀢𑁆𑀢𑀪𑀸𑀯𑁂𑀦 𑀅𑀥𑀺𑀕𑀢𑀢𑁆𑀢𑀸 𑀲𑀦𑁆𑀢𑀼𑀝𑁆𑀞𑀁 𑀧𑀭𑀺𑀢𑀼𑀝𑁆𑀞𑀁.

𑀅𑀦𑀺𑀘𑁆𑀘𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.