𑁭. 𑀕𑀤𑁆𑀤𑀼𑀮𑀩𑀤𑁆𑀥𑀲𑀼𑀢𑁆𑀢𑀯𑀡𑁆𑀡𑀦𑀸

𑁯𑁯. 𑀬𑀁 𑀫𑀳𑀸𑀲𑀫𑀼𑀤𑁆𑀤𑁄𑀢𑀺 𑀏𑀢𑁆𑀣 𑀬𑀦𑁆𑀢𑀺 𑀲𑀫𑀬𑀲𑁆𑀲 𑀧𑀘𑁆𑀘𑀸𑀫𑀲𑀦𑀁. 𑀪𑀼𑀫𑁆𑀫𑀢𑁆𑀣𑁂 𑀘𑁂𑀢𑀁 𑀧𑀘𑁆𑀘𑀢𑁆𑀢𑀯𑀘𑀦𑀦𑁆𑀢𑀺 𑀆𑀳 ‘‘𑀬𑀲𑁆𑀫𑀺𑀁 𑀲𑀫𑀬𑁂’’𑀢𑀺. 𑀲𑁄 𑀘 𑀲𑀫𑀬𑁄 𑀅𑀬𑀦𑁆𑀢𑀺 𑀤𑀲𑁆𑀲𑁂𑀦𑁆𑀢𑁄 ‘‘𑀧𑀜𑁆𑀘𑀫𑁂 𑀲𑀽𑀭𑀺𑀬𑁂 𑀉𑀝𑁆𑀞𑀺𑀢𑁂’’𑀢𑀺 𑀆𑀳. 𑀧𑀭𑀺𑀘𑁆𑀙𑁂𑀤𑀁 𑀦 𑀯𑀤𑀸𑀫𑀺 𑀧𑀭𑀺𑀘𑁆𑀙𑁂𑀤𑀓𑀸𑀭𑀺𑀓𑀸𑀬 𑀅𑀕𑁆𑀕𑀫𑀕𑁆𑀕𑀯𑀺𑀚𑁆𑀚𑀸𑀬 𑀅𑀦𑀥𑀺𑀕𑀢𑀢𑁆𑀢𑀸. 𑀲𑀼𑀦𑀔𑁄 𑀯𑀺𑀬 𑀯𑀝𑁆𑀝𑀦𑀺𑀲𑁆𑀲𑀺𑀢𑁄 𑀩𑀸𑀮𑁄 𑀅𑀲𑀯𑀲𑀪𑀸𑀯𑀢𑁄. 𑀕𑀤𑁆𑀤𑀼𑀮𑁄 𑀯𑀺𑀬 𑀤𑀺𑀝𑁆𑀞𑀺𑀩𑀦𑁆𑀥𑁄. 𑀲𑀓𑁆𑀓𑀸𑀬𑁄 𑀢𑀲𑁆𑀲 𑀅𑀲𑀯𑀲𑀪𑀸𑀯𑀢𑁄. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀲𑀓𑁆𑀓𑀸𑀬𑀸𑀦𑀼𑀧𑀭𑀺𑀯𑀢𑁆𑀢𑀦𑀦𑁆𑀢𑀺 ‘‘𑀲𑀦𑁆𑀢𑀸𑀦𑁂 𑀲𑀢𑁆𑀢𑀯𑁄𑀳𑀸𑀭𑁄’’𑀢𑀺 𑀢𑀁 𑀢𑀢𑁄 𑀅𑀜𑁆𑀜𑀁 𑀓𑀢𑁆𑀯𑀸 𑀪𑁂𑀤𑁂𑀦 𑀦𑀺𑀤𑁆𑀤𑁂𑀲𑁄.

𑀕𑀤𑁆𑀤𑀼𑀮𑀩𑀤𑁆𑀥𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.