𑁪. 𑀤𑀼𑀢𑀺𑀬𑀳𑀸𑀮𑀺𑀤𑁆𑀤𑀺𑀓𑀸𑀦𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁪. 𑀘𑀽𑀴𑀙𑀓𑁆𑀓𑀧𑀜𑁆𑀳𑁂𑀢𑀺 𑀫𑀽𑀮𑀧𑀡𑁆𑀡𑀸𑀲𑁂 𑀘𑀽𑀴𑀢𑀡𑁆𑀳𑀸𑀲𑀗𑁆𑀔𑀬𑀲𑀼𑀢𑁆𑀢𑁂 (𑀫. 𑀦𑀺. 𑁧.𑁩𑁯𑁦 𑀆𑀤𑀬𑁄). 𑀫𑀳𑀸𑀲𑀓𑁆𑀓𑀧𑀜𑁆𑀳𑁂𑀧𑀻𑀢𑀺 𑀫𑀳𑀸𑀢𑀡𑁆𑀳𑀸𑀲𑀗𑁆𑀔𑀬𑀲𑀼𑀢𑁆𑀢𑁂𑀧𑀺 (𑀫. 𑀦𑀺. 𑁧.𑁩𑁯𑁬 𑀆𑀤𑀬𑁄). 𑀏𑀢𑀦𑁆𑀢𑀺 ‘‘𑀬𑁂 𑀢𑁂 𑀲𑀫𑀡𑀩𑁆𑀭𑀸𑀳𑁆𑀫𑀡𑀸’’𑀢𑀺𑀆𑀤𑀺𑀲𑀼𑀢𑁆𑀢𑀧𑀤𑀁. 𑀢𑀡𑁆𑀳𑀸 𑀲𑀫𑁆𑀫𑀤𑁂𑀯 𑀔𑀻𑀬𑀢𑀺 𑀏𑀢𑁆𑀣𑀸𑀢𑀺 𑀢𑀡𑁆𑀳𑀸𑀲𑀗𑁆𑀔𑀬𑁄, 𑀅𑀲𑀗𑁆𑀔𑀢𑀸 𑀥𑀸𑀢𑀽𑀢𑀺 𑀆𑀳 ‘‘𑀢𑀡𑁆𑀳𑀸𑀲𑀗𑁆𑀔𑀬𑁂 𑀦𑀺𑀩𑁆𑀩𑀸𑀦𑁂’’𑀢𑀺. 𑀅𑀦𑁆𑀢𑀁 𑀅𑀢𑀺𑀓𑁆𑀓𑀦𑁆𑀢𑀦𑀺𑀝𑁆𑀞𑀸𑀢𑀺 𑀅𑀦𑁆𑀢𑀭𑀳𑀺𑀢𑀦𑀺𑀝𑁆𑀞𑀸. 𑀢𑁂𑀦𑀸𑀳 ‘‘𑀲𑀢𑀢𑀦𑀺𑀝𑁆𑀞𑀸’’𑀢𑀺. 𑀲𑁂𑀲𑀧𑀤𑁂𑀲𑀽𑀢𑀺 ‘‘𑀅𑀘𑁆𑀘𑀦𑁆𑀢𑀬𑁄𑀕𑀓𑁆𑀔𑁂𑀫𑀺𑀦𑁄’’𑀢𑀺𑀆𑀤𑀻𑀲𑀼.

𑀤𑀼𑀢𑀺𑀬𑀳𑀸𑀮𑀺𑀤𑁆𑀤𑀺𑀓𑀸𑀦𑀺𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.