𑁭. 𑀯𑀦𑀓𑀫𑁆𑀫𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁦𑁩. 𑀯𑀦𑀓𑀫𑁆𑀫𑁂 𑀦𑀺𑀬𑀼𑀢𑁆𑀢𑁄, 𑀓𑀺𑀭𑀺𑀬𑀫𑀸𑀦𑁂𑀦 𑀯𑀦𑀓𑀫𑁆𑀫𑀁 𑀏𑀢𑀲𑁆𑀲 𑀅𑀢𑁆𑀣𑀻𑀢𑀺 𑀯𑀦𑀓𑀫𑁆𑀫𑀺𑀓𑁄. 𑀇𑀫𑀲𑁆𑀫𑀺𑀁 𑀯𑀦𑀲𑀡𑁆𑀟𑁂𑀢𑀺 𑀇𑀫𑀲𑁆𑀫𑀺𑀁 𑀏𑀯𑀁𑀫𑀳𑀦𑁆𑀢𑁂 𑀯𑀦𑀲𑀡𑁆𑀟𑁂. 𑀦 𑀫𑁂 𑀯𑀦𑀲𑁆𑀫𑀺𑀁 𑀓𑀭𑀡𑀻𑀬𑀫𑀢𑁆𑀣𑀺 𑀬𑀣𑀸, ‘‘𑀩𑁆𑀭𑀸𑀳𑁆𑀫𑀡, 𑀢𑀼𑀬𑁆𑀳’’𑀦𑁆𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀇𑀢𑀭𑀁 𑀧𑀦 𑀬𑀁 𑀫𑀳𑀸𑀓𑀺𑀮𑁂𑀲𑀯𑀦𑀁, 𑀢𑀁 𑀫𑀕𑁆𑀕𑀜𑀸𑀡𑀨𑀭𑀲𑀼𑀦𑀸 𑀲𑀫𑀸𑀥𑀺𑀫𑀬𑀲𑀺𑀮𑀸𑀬𑀁 𑀲𑀼𑀦𑀺𑀲𑀺𑀢𑁂𑀦 𑀲𑀩𑁆𑀩𑀲𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑀁, 𑀢𑀢𑁄 𑀏𑀯 𑀦𑀺𑀩𑁆𑀩𑀦𑀣𑁄 𑀦𑀺𑀓𑁆𑀓𑀺𑀮𑁂𑀲𑀕𑀳𑀦𑁄. 𑀯𑀺𑀯𑁂𑀓𑀸𑀪𑀺𑀭𑀢𑀺𑀬𑀸 𑀏𑀓𑀓𑁄 𑀅𑀪𑀺𑀭𑀢𑁄 𑀧𑀝𑀺𑀧𑀓𑁆𑀔𑀯𑀺𑀕𑀫𑁂𑀦. 𑀢𑁂𑀦𑀸𑀳 ‘‘𑀅𑀭𑀢𑀺𑀁…𑀧𑁂… 𑀚𑀳𑀺𑀢𑁆𑀯𑀸’’𑀢𑀺.

𑀯𑀦𑀓𑀫𑁆𑀫𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.