𑁪. 𑀩𑀺𑀮𑀗𑁆𑀕𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁯𑁦. 𑀲𑀼𑀤𑁆𑀥𑀦𑁆𑀢𑀺 𑀓𑁂𑀯𑀮𑀁 𑀲𑀫𑁆𑀪𑀸𑀭𑀯𑀺𑀭𑀳𑀺𑀢𑀁. 𑀲𑀫𑁆𑀪𑀸𑀭𑀬𑀼𑀢𑁆𑀢𑀦𑁆𑀢𑀺 𑀓𑀝𑀼𑀓𑀪𑀡𑁆𑀟𑀸𑀤𑀺𑀲𑀫𑁆𑀪𑀸𑀭𑀲𑀳𑀺𑀢𑀁. 𑀓𑀜𑁆𑀚𑀺𑀢𑁄 𑀦𑀺𑀩𑁆𑀩𑀢𑁆𑀢𑀢𑁆𑀢𑀸 𑀓𑀜𑁆𑀚𑀺𑀓𑀁, 𑀆𑀭𑀦𑀸𑀮𑀁, 𑀩𑀺𑀮𑀗𑁆𑀕𑀦𑁆𑀢𑀺 𑀅𑀢𑁆𑀣𑁄. 𑀦𑀸𑀫𑀁 𑀕𑀳𑀺𑀢𑀁 𑀲𑀗𑁆𑀕𑀻𑀢𑀺𑀓𑀸𑀮𑁂 ‘‘𑀩𑀺𑀮𑀗𑁆𑀕𑀺𑀓𑀪𑀸𑀭𑀤𑁆𑀯𑀸𑀚𑁄’’𑀢𑀺 𑀯𑀺𑀲𑁂𑀲𑀦𑀯𑀲𑁂𑀦. 𑀢𑀬𑁄𑀢𑀺 𑀥𑀦𑀜𑁆𑀚𑀸𑀦𑀺𑀬𑀸 𑀲𑀸𑀫𑀺𑀓𑁄 𑀪𑀸𑀭𑀤𑁆𑀯𑀸𑀚𑁄, 𑀅𑀓𑁆𑀓𑁄𑀲𑀓𑀪𑀸𑀭𑀤𑁆𑀯𑀸𑀚𑁄, 𑀅𑀲𑀼𑀦𑁆𑀤𑀭𑀺𑀓𑀪𑀸𑀭𑀤𑁆𑀯𑀸𑀚𑁄𑀢𑀺 𑀆𑀤𑀺𑀢𑁄 𑀢𑀻𑀲𑀼 𑀲𑀼𑀢𑁆𑀢𑁂𑀲𑀼 𑀆𑀕𑀢𑀸 𑀢𑀬𑁄. 𑀫𑁂𑀢𑀺 𑀫𑀬𑁆𑀳𑀁.

𑀩𑀺𑀮𑀗𑁆𑀕𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.