𑁫. 𑀅𑀢𑁆𑀢𑀭𑀓𑁆𑀔𑀺𑀢𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁬. 𑀧𑀻𑀤𑀳𑀦𑀦𑁆𑀢𑀺 𑀲𑀁𑀬𑀫𑀦𑀁. 𑀓𑀫𑁆𑀫𑀧𑀣𑀪𑁂𑀤𑀁 𑀅𑀧𑁆𑀧𑀢𑁆𑀢𑀲𑁆𑀲𑀸𑀢𑀺 𑀲𑀼𑀧𑀺𑀦𑀓𑀸𑀮𑁄 𑀯𑀺𑀬 𑀧𑀯𑀢𑁆𑀢𑀺𑀫𑀢𑁆𑀢𑀢𑀸𑀬 𑀓𑀫𑁆𑀫𑀧𑀣𑀯𑀺𑀲𑁂𑀲𑀁 𑀅𑀕𑀢𑀲𑁆𑀲. 𑀓𑀫𑁆𑀫𑀲𑁆𑀲𑀸𑀢𑀺 𑀅𑀓𑀼𑀲𑀮𑀓𑀫𑁆𑀫𑀲𑁆𑀲. 𑀲𑀁𑀯𑀭𑀦𑁆𑀢𑀺 𑀲𑀁𑀯𑀭𑀪𑀸𑀯𑀁 𑀤𑀲𑁆𑀲𑁂𑀢𑀺, 𑀇𑀢𑀭𑀲𑁆𑀲 𑀧𑀦 𑀲𑀁𑀯𑀭𑀪𑀸𑀯𑁄 𑀧𑀼𑀭𑀺𑀫𑁂𑀳𑀺 𑀢𑀻𑀳𑀺 𑀧𑀤𑁂𑀳𑀺 𑀤𑀲𑁆𑀲𑀺𑀢𑁄𑀯𑀸𑀢𑀺. 𑀑𑀢𑁆𑀢𑀧𑁆𑀧𑀫𑁆𑀧𑀺 𑀕𑀳𑀺𑀢𑀫𑁂𑀯 𑀢𑀤𑀯𑀺𑀦𑀸𑀪𑀸𑀯𑀢𑁄. 𑀦 𑀳𑀺 𑀧𑀸𑀧𑀚𑀺𑀕𑀼𑀘𑁆𑀙𑀦𑀁 𑀧𑀸𑀧𑀉𑀢𑁆𑀭𑀸𑀲𑀭𑀳𑀺𑀢𑀁, 𑀉𑀢𑁆𑀭𑀸𑀲𑁄 𑀯𑀸 𑀧𑀸𑀧𑀚𑀺𑀕𑀼𑀘𑁆𑀙𑀦𑀭𑀳𑀺𑀢𑁄 𑀅𑀢𑁆𑀣𑀻𑀢𑀺.

𑀅𑀢𑁆𑀢𑀭𑀓𑁆𑀔𑀺𑀢𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.