𑁧𑁦. 𑀅𑀦𑀸𑀣𑀧𑀺𑀡𑁆𑀟𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁧. 𑀤𑀲𑀫𑁂 𑀓𑀸𑀫𑀁 𑀤𑁂𑀯𑀢𑀸𑀲𑀁𑀬𑀼𑀢𑁆𑀢𑁂𑀧𑀺 ‘‘𑀇𑀤𑀁 𑀳𑀺 𑀢𑀁 𑀚𑁂𑀢𑀯𑀦’’𑀦𑁆𑀢𑀺𑀆𑀤𑀺𑀦𑀸 𑀇𑀫𑀸 𑀏𑀯 𑀕𑀸𑀣𑀸 𑀆𑀕𑀢𑀸. 𑀢𑀢𑁆𑀣 ‘‘𑀅𑀜𑁆𑀜𑀢𑀭𑀸 𑀤𑁂𑀯𑀢𑀸’’𑀢𑀺 𑀦𑀺𑀤𑀸𑀦𑀁 𑀆𑀭𑁄𑀧𑀺𑀢𑀁. 𑀳𑁂𑀝𑁆𑀞𑀸 𑀆𑀕𑀢𑀦𑀬𑀢𑁆𑀢𑀸 𑀏𑀯 𑀳𑀺 𑀧𑁄𑀢𑁆𑀣𑀓𑁂𑀲𑀼 𑀦 𑀮𑀺𑀔𑀺𑀢𑀁, 𑀇𑀥 𑀧𑀦 𑀤𑁂𑀯𑀧𑀼𑀢𑁆𑀢𑀲𑀁𑀬𑀼𑀢𑁆𑀢𑁂 ‘‘𑀅𑀦𑀸𑀣𑀧𑀺𑀡𑁆𑀟𑀺𑀓𑁄 𑀤𑁂𑀯𑀧𑀼𑀢𑁆𑀢𑁄’’𑀢𑀺 𑀦𑀺𑀤𑀸𑀦𑁂 𑀦𑀺𑀕𑀫𑁂 𑀘 𑀆𑀕𑀢𑀁, 𑀢𑀢𑁆𑀣 𑀤𑁂𑀯𑀧𑀼𑀢𑁆𑀢𑁂𑀦 𑀲𑀢𑁆𑀣𑀼 𑀯𑀼𑀢𑁆𑀢𑀧𑁆𑀧𑀓𑀸𑀭𑀕𑀼𑀡𑀧𑀯𑁂𑀤𑀦𑀯𑀲𑁂𑀦 𑀯𑀼𑀢𑁆𑀢𑀁. 𑀲𑀢𑁆𑀣𑀸 𑀧𑀦 𑀪𑀺𑀓𑁆𑀔𑀽𑀦𑀁 𑀢𑀫𑀢𑁆𑀣𑀁 𑀧𑀯𑁂𑀤𑁂𑀦𑁆𑀢𑁄 ‘‘𑀅𑀜𑁆𑀜𑀢𑀭𑁄 𑀤𑁂𑀯𑀧𑀼𑀢𑁆𑀢𑁄’’𑀢𑀺 𑀆𑀳. 𑀢𑀣𑀸 𑀧𑀯𑁂𑀤𑀦𑁂 𑀧𑀦 𑀓𑀸𑀭𑀡𑀁 𑀤𑀲𑁆𑀲𑁂𑀦𑁆𑀢𑁄 ‘‘𑀆𑀦𑀦𑁆𑀤𑀢𑁆𑀣𑁂𑀭𑀲𑁆𑀲𑀸’’𑀢𑀺𑀆𑀤𑀺𑀫𑀸𑀳. 𑀅𑀦𑀼𑀫𑀸𑀦𑀩𑀼𑀤𑁆𑀥𑀺𑀬𑀸𑀢𑀺 𑀅𑀦𑀼𑀫𑀸𑀦𑀜𑀸𑀡𑀲𑁆𑀲. 𑀆𑀦𑀼𑀪𑀸𑀯𑀧𑁆𑀧𑀓𑀸𑀲𑀦𑀢𑁆𑀣𑀦𑁆𑀢𑀺 𑀩𑀮𑀤𑀻𑀧𑀦𑀢𑁆𑀣𑀁.

𑀅𑀦𑀸𑀣𑀧𑀺𑀡𑁆𑀟𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀤𑀼𑀢𑀺𑀬𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.