𑁯. 𑀘𑀦𑁆𑀤𑀺𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁯𑁦. 𑀯𑀺𑀫𑀸𑀦𑁂 𑀕𑀳𑀺𑀢𑁂 𑀢𑀁𑀦𑀺𑀯𑀸𑀲𑀻𑀧𑀺 𑀕𑀳𑀺𑀢𑁄 𑀳𑁄𑀢𑀻𑀢𑀺 𑀯𑀼𑀢𑁆𑀢𑀁 ‘‘𑀘𑀦𑁆𑀤𑀯𑀺𑀫𑀸𑀦𑀯𑀸𑀲𑀻 𑀤𑁂𑀯𑀧𑀼𑀢𑁆𑀢𑁄’’𑀢𑀺. 𑀲𑀩𑁆𑀩𑀥𑀻𑀢𑀺 𑀲𑀩𑁆𑀩𑀲𑁆𑀫𑀸 𑀤𑀼𑀕𑁆𑀕𑀝𑁆𑀞𑀸𑀦𑀸 𑀯𑀺𑀧𑁆𑀧𑀫𑀼𑀢𑁆𑀢𑁄𑀲𑀺 𑀪𑀕𑀯𑀸 𑀢𑁆𑀯𑀁, 𑀢𑀲𑁆𑀫𑀸 𑀫𑀬𑁆𑀳𑀫𑁆𑀧𑀺 𑀇𑀢𑁄 𑀲𑀫𑁆𑀩𑀸𑀥𑀝𑁆𑀞𑀸𑀦𑀢𑁄 𑀯𑀺𑀧𑁆𑀧𑀫𑁄𑀓𑁆𑀔𑀁 𑀓𑀭𑁄𑀳𑀻𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀢𑁂𑀦𑀸𑀳 ‘‘𑀢𑀲𑁆𑀲 𑀫𑁂 𑀲𑀭𑀡𑀁 𑀪𑀯𑀸’’𑀢𑀺. 𑀮𑁄𑀓𑀸𑀦𑀼𑀓𑀫𑁆𑀧𑀓𑀸𑀢𑀺 𑀲𑀩𑁆𑀩𑀲𑁆𑀲 𑀮𑁄𑀓𑀲𑁆𑀲 𑀅𑀦𑀼𑀕𑁆𑀕𑀳𑀸, 𑀢𑀲𑁆𑀫𑀸 𑀢𑀼𑀬𑁆𑀳𑀫𑁆𑀧𑀺 𑀏𑀢𑀲𑁆𑀲𑀧𑀺 𑀘𑀦𑁆𑀤𑀲𑁆𑀲. 𑀢𑀸𑀤𑀺𑀲𑀸 𑀏𑀯𑀸𑀢𑀺 𑀲𑀫𑀸𑀦𑀸 𑀏𑀯. 𑀧𑀫𑀼𑀜𑁆𑀘𑀲𑀻𑀢𑀺 𑀧𑀫𑀼𑀜𑁆𑀘𑀺𑀢𑁆𑀣. 𑀢𑁂𑀦𑀸𑀳 ‘‘𑀅𑀢𑀻𑀢𑀢𑁆𑀣𑁂 𑀯𑀢𑁆𑀢𑀫𑀸𑀦𑀯𑀘𑀦’’𑀦𑁆𑀢𑀺.

𑀘𑀦𑁆𑀤𑀺𑀫𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.