𑁭. 𑀉𑀟𑁆𑀟𑀺𑀢𑀲𑀼𑀢𑁆𑀢𑀯𑀡𑁆𑀡𑀦𑀸

𑁬𑁭. 𑀉𑀮𑁆𑀮𑀗𑁆𑀖𑀺𑀢𑁄𑀢𑀺 𑀉𑀩𑁆𑀩𑀦𑁆𑀥𑀺𑀢𑁆𑀯𑀸 𑀮𑀗𑁆𑀖𑀺𑀢𑁄. 𑀲𑀤𑁆𑀤𑀸𑀤𑀻𑀲𑀽𑀢𑀺 𑀲𑀤𑁆𑀤𑀸𑀤𑀺𑀦𑀸𑀕𑀤𑀦𑁆𑀢𑁂𑀲𑀼 𑀲𑁄𑀢𑀸𑀤𑀻𑀦𑀺 𑀉𑀟𑁆𑀟𑀺𑀢𑀸𑀦𑀺 𑀢𑀡𑁆𑀳𑀸𑀭𑀚𑁆𑀚𑀼𑀦𑀸 𑀤𑀴𑁆𑀳𑀩𑀦𑁆𑀥𑀦𑁂𑀦 𑀩𑀤𑁆𑀥𑀢𑁆𑀢𑀸 𑀢𑀤𑀦𑀢𑀺𑀯𑀢𑁆𑀢𑀦𑀢𑁄. 𑀮𑁄𑀓𑁄𑀢𑀺 𑀆𑀬𑀢𑀦𑀮𑁄𑀓𑁄. 𑀢𑀣𑀸 𑀅𑀢𑁆𑀣𑀬𑁄𑀚𑀦𑀸𑀬 𑀓𑀢𑀢𑁆𑀢𑀸 𑀔𑀦𑁆𑀥𑀸𑀤𑀺𑀮𑁄𑀓𑀯𑀲𑁂𑀦𑀧𑀺 𑀬𑁄𑀚𑀦𑀸 𑀓𑀸𑀢𑀩𑁆𑀩𑀸. 𑀦 𑀤𑀽𑀭𑀁 𑀅𑀦𑀦𑁆𑀢𑀭𑀪𑀯𑀓𑀢𑁆𑀢𑀸. 𑀘𑀼𑀢𑀺𑀘𑀺𑀢𑁆𑀢𑀅𑀦𑁆𑀢𑀭𑀺𑀢𑀢𑁆𑀢𑀸 𑀏𑀓𑀘𑀺𑀢𑁆𑀢𑀦𑁆𑀢𑀭𑀪𑀯𑀲𑁆𑀲 𑀓𑀫𑁆𑀫𑀲𑁆𑀲 𑀅𑀩𑀼𑀚𑁆𑀛𑀦𑀁, 𑀏𑀯𑀁 𑀲𑀦𑁆𑀢𑁂 𑀓𑀲𑁆𑀫𑀸 𑀲𑀢𑁆𑀢𑀸 𑀦 𑀩𑀼𑀚𑁆𑀛𑀦𑁆𑀢𑀻𑀢𑀺 𑀆𑀳 ‘‘𑀩𑀮𑀯𑀢𑀺𑀬𑀸’’𑀢𑀺𑀆𑀤𑀺.

𑀉𑀟𑁆𑀟𑀺𑀢𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.