𑁮. 𑀉𑀧𑁆𑀧𑀣𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁮. 𑀅𑀫𑀕𑁆𑀕𑁄𑀢𑀺 𑀦 𑀫𑀕𑁆𑀕𑁄 𑀅𑀦𑀼𑀧𑀸𑀬𑁄. 𑀭𑀢𑁆𑀢𑀺𑀦𑁆𑀤𑀺𑀯𑀓𑁆𑀔𑀬𑁄𑀢𑀺 𑀢𑀢𑁆𑀣 𑀯𑀬𑀓𑁆𑀔𑀡𑀲𑁆𑀲 𑀧𑀸𑀓𑀝𑀪𑀸𑀯𑀢𑁄. 𑀯𑀼𑀢𑁆𑀢𑀓𑁆𑀔𑀡𑁄𑀧𑀺 𑀳𑀺 𑀲𑀬𑀁 𑀔𑀻𑀬𑀢𑁂𑀯. 𑀲𑁂𑀲𑀁 𑀩𑀸𑀳𑀺𑀭𑀫𑀮𑀁 𑀯𑀢𑁆𑀣𑀲𑀭𑀻𑀭𑀸𑀤𑀺𑀪𑀽𑀢𑀁. 𑀢𑀣𑀸 𑀳𑀺 ‘‘𑀪𑀲𑁆𑀫𑀔𑀸𑀭𑀸𑀤𑀻𑀳𑀺 𑀥𑁄𑀯𑀺𑀢𑁆𑀯𑀸 𑀲𑀓𑁆𑀓𑀸 𑀲𑁄𑀥𑁂𑀢𑀼’’𑀦𑁆𑀢𑀺 𑀯𑀼𑀢𑁆𑀢𑀁. 𑀤𑀼𑀝𑁆𑀞𑁄𑀢𑀺 𑀤𑀽𑀲𑀺𑀢𑁄 𑀲𑀢𑁆𑀢𑀲𑀦𑁆𑀢𑀸𑀦𑁄 𑀦 𑀲𑀓𑁆𑀓𑀸 𑀲𑀼𑀤𑁆𑀥𑁄 𑀦𑀸𑀫 𑀓𑀸𑀢𑀼𑀁 𑀅𑀩𑁆𑀪𑀦𑁆𑀢𑀭𑀫𑀮𑀻𑀦𑀪𑀸𑀯𑀸𑀧𑀸𑀤𑀦𑀢𑁄. 𑀇𑀢𑁆𑀣𑀺𑀬𑀦𑁆𑀢𑀺 𑀩𑁆𑀭𑀳𑁆𑀫𑀘𑀭𑀺𑀬𑀲𑁆𑀲 𑀅𑀦𑁆𑀢𑀭𑀸𑀬𑀓𑀭𑀸𑀬𑀧𑀺. 𑀧𑀚𑀸𑀢𑀺 𑀲𑀢𑁆𑀢𑀓𑀸𑀬𑁄 𑀲𑀚𑁆𑀚𑀢𑀺 𑀲𑀗𑁆𑀕𑀁 𑀓𑀭𑁄𑀢𑀺 𑀬𑀸𑀣𑀸𑀯𑀢𑁄 𑀆𑀤𑀻𑀦𑀯𑀁 𑀅𑀧𑀲𑁆𑀲𑀦𑁆𑀢𑁄. 𑀇𑀦𑁆𑀤𑁆𑀭𑀺𑀬𑀲𑀁𑀯𑀭𑀸𑀤𑀺 𑀓𑀺𑀮𑁂𑀲𑀸𑀦𑀁 𑀢𑀸𑀧𑀦𑀢𑁄 𑀢𑀧𑁄, 𑀢𑁂𑀦𑀸𑀳 ‘‘𑀲𑀩𑁆𑀩𑀸𑀧𑀻’’𑀢𑀺𑀆𑀤𑀺.

𑀉𑀧𑁆𑀧𑀣𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.