𑁩. 𑀅𑀦𑁆𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁪𑁩. 𑀧𑀢𑁆𑀣𑁂𑀦𑁆𑀢𑀻𑀢𑀺 𑀧𑀺𑀳𑁂𑀦𑁆𑀢𑀺. 𑀬𑀢𑁆𑀣𑀲𑁆𑀲 𑀉𑀧𑀕𑀫𑀦𑀁 𑀮𑁄𑀓𑁂 𑀧𑀸𑀓𑀝𑀢𑀭𑀁 𑀅𑀳𑁄𑀲𑀺, 𑀢𑁂 𑀉𑀤𑀸𑀳𑀭𑀡𑀯𑀲𑁂𑀦 𑀤𑀲𑁆𑀲𑁂𑀦𑁆𑀢𑁄 ‘‘𑀘𑀺𑀢𑁆𑀢𑀕𑀳𑀧𑀢𑀺𑀲𑀻𑀯𑀮𑀺𑀢𑁆𑀣𑁂𑀭𑀸𑀤𑀺𑀓𑁂 𑀯𑀺𑀬𑀸’’𑀢𑀺 𑀆𑀳. 𑀅𑀦𑁆𑀦𑀦𑁆𑀢𑀺 𑀅𑀦𑁆𑀦𑀲𑀜𑁆𑀜𑀺𑀢𑁄 𑀘𑀢𑀼𑀩𑁆𑀩𑀺𑀥𑁄𑀧𑀺 𑀧𑀘𑁆𑀘𑀬𑁄. 𑀲𑀩𑁆𑀩𑁂𑀧𑀺 𑀤𑀸𑀬𑀓𑁂 𑀏𑀓𑀚𑁆𑀛𑀁 𑀕𑀳𑁂𑀢𑁆𑀯𑀸 𑀲𑀸𑀫𑀜𑁆𑀜𑀢𑁄 𑀏𑀓𑀯𑀲𑁂𑀦 ‘‘𑀤𑀸𑀬𑀓𑀫𑁂𑀯𑀸’’𑀢𑀺 𑀯𑀼𑀢𑁆𑀢𑀁, 𑀬𑀣𑀸 𑀘𑀸𑀳 ‘‘𑀓𑁄 𑀦𑀸𑀫 𑀲𑁄 𑀬𑀓𑁆𑀔𑁄, 𑀬𑀁 𑀅𑀦𑁆𑀦𑀁 𑀦𑀸𑀪𑀺𑀦𑀦𑁆𑀤𑀢𑀻’’𑀢𑀺? 𑀢𑀢𑁆𑀣 𑀬𑀓𑁆𑀔𑁄𑀢𑀺 𑀲𑀢𑁆𑀢𑁄. 𑀲𑀸𑀫𑀜𑁆𑀜𑀚𑁄𑀢𑀦𑀸 𑀘 𑀦𑀸𑀫 𑀬𑀲𑁆𑀫𑀸 𑀧𑀼𑀣𑀼𑀅𑀢𑁆𑀣𑀯𑀺𑀲𑀬𑀸, 𑀢𑀲𑁆𑀫𑀸 ‘‘𑀬𑁂 𑀦𑀁 𑀤𑀤𑀦𑁆𑀢𑀺 𑀲𑀤𑁆𑀥𑀸𑀬, 𑀯𑀺𑀧𑁆𑀧𑀲𑀦𑁆𑀦𑁂𑀦 𑀘𑁂𑀢𑀲𑀸. 𑀢𑀫𑁂𑀯 𑀅𑀦𑁆𑀦𑀁 𑀪𑀚𑀢𑀻’’𑀢𑀺 𑀯𑀼𑀢𑁆𑀢𑀁. 𑀢𑀢𑁆𑀣 𑀫-𑀓𑀸𑀭𑁄 𑀧𑀤𑀲𑀦𑁆𑀥𑀺𑀓𑀭𑁄, 𑀢𑁂 𑀏𑀯𑀸𑀢𑀺 𑀅𑀢𑁆𑀣𑁄. 𑀤𑀸𑀬𑀓𑀁 𑀅𑀧𑀭𑀺𑀘𑁆𑀘𑀚𑀦𑀫𑁂𑀯 𑀅𑀦𑀼𑀕𑀘𑁆𑀙𑀢𑀺 𑀘𑀓𑁆𑀓𑀁 𑀯𑀺𑀬 𑀓𑀼𑀩𑁆𑀩𑀭𑀁.

𑀅𑀦𑁆𑀦𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.