𑁫. 𑀢𑀮𑀲𑀢𑁆𑀢𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀧𑀜𑁆𑀘𑀫𑁂 𑀢𑀮𑀲𑀢𑁆𑀢𑀺𑀓𑀁 𑀉𑀕𑁆𑀕𑀺𑀭𑁂𑀬𑁆𑀬𑀸𑀢𑀺 𑀧𑀳𑀸𑀭𑀤𑀸𑀦𑀸𑀓𑀸𑀭𑀁 𑀤𑀲𑁆𑀲𑁂𑀦𑁆𑀢𑁄 𑀓𑀸𑀬𑀁 𑀯𑀸 𑀓𑀸𑀬𑀧𑁆𑀧𑀝𑀺𑀩𑀤𑁆𑀥𑀁 𑀯𑀸 𑀉𑀘𑁆𑀘𑀸𑀭𑁂𑀬𑁆𑀬. 𑀏𑀢𑁆𑀣 𑀘 𑀉𑀕𑁆𑀕𑀺𑀭𑀡𑀧𑀘𑁆𑀘𑀬𑀸 𑀧𑀸𑀘𑀺𑀢𑁆𑀢𑀺𑀬𑀁. 𑀲𑀘𑁂 𑀧𑀦 𑀉𑀕𑁆𑀕𑀺𑀭𑀺𑀢𑁆𑀯𑀸 𑀯𑀺𑀭𑀤𑁆𑀥𑁄 𑀧𑀳𑀸𑀭𑀁 𑀤𑁂𑀢𑀺, 𑀦 𑀧𑀳𑀭𑀺𑀢𑀼𑀓𑀸𑀫𑀢𑀸𑀬 𑀤𑀺𑀦𑁆𑀦𑀢𑁆𑀢𑀸 𑀤𑀼𑀓𑁆𑀓𑀝𑀫𑁂𑀯, 𑀢𑁂𑀦 𑀧𑀳𑀸𑀭𑁂𑀦 𑀳𑀢𑁆𑀣𑀸𑀤𑀻𑀲𑀼 𑀬𑀁𑀓𑀺𑀜𑁆𑀘𑀺 𑀪𑀺𑀚𑁆𑀚𑀢𑀺, 𑀤𑀼𑀓𑁆𑀓𑀝𑀫𑁂𑀯. 𑀲𑁂𑀲𑀫𑁂𑀢𑁆𑀣 𑀲𑀩𑁆𑀩𑀁 𑀧𑀼𑀭𑀺𑀫𑀲𑀺𑀓𑁆𑀔𑀸𑀧𑀤𑁂 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀦𑁆𑀢𑀺.

𑀢𑀮𑀲𑀢𑁆𑀢𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.