𑁩. 𑀲𑀗𑁆𑀖𑀸𑀡𑀺𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀢𑀢𑀺𑀬𑁂 𑀲𑀗𑁆𑀖𑀸𑀡𑀺𑀦𑁆𑀢𑀺 𑀬𑀁𑀓𑀺𑀜𑁆𑀘𑀺 𑀓𑀝𑀽𑀧𑀕𑀁. 𑀥𑀸𑀭𑁂𑀬𑁆𑀬𑀸𑀢𑀺 𑀓𑀝𑀺𑀬𑀁 𑀧𑀝𑀺𑀫𑀼𑀜𑁆𑀘𑁂𑀬𑁆𑀬. 𑀏𑀢𑁆𑀣𑀸𑀧𑀺 𑀑𑀫𑀼𑀜𑁆𑀘𑀺𑀢𑁆𑀯𑀸 𑀑𑀫𑀼𑀜𑁆𑀘𑀺𑀢𑁆𑀯𑀸 𑀥𑀸𑀭𑁂𑀦𑁆𑀢𑀺𑀬𑀸 𑀧𑀬𑁄𑀕𑀕𑀡𑀦𑀸𑀬 𑀧𑀸𑀘𑀺𑀢𑁆𑀢𑀺𑀬𑀁.

𑀲𑀸𑀯𑀢𑁆𑀣𑀺𑀬𑀁 𑀅𑀜𑁆𑀜𑀢𑀭𑀁 𑀪𑀺𑀓𑁆𑀔𑀼𑀦𑀺𑀁 𑀆𑀭𑀩𑁆𑀪 𑀲𑀗𑁆𑀖𑀸𑀡𑀺𑀁 𑀥𑀸𑀭𑀡𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁. 𑀆𑀩𑀸𑀥𑀧𑀘𑁆𑀘𑀬𑀸 𑀓𑀝𑀺𑀲𑀼𑀢𑁆𑀢𑀁 𑀥𑀸𑀭𑁂𑀦𑁆𑀢𑀺𑀬𑀸, 𑀉𑀫𑁆𑀫𑀢𑁆𑀢𑀺𑀓𑀸𑀤𑀻𑀦𑀜𑁆𑀘 𑀅𑀦𑀸𑀧𑀢𑁆𑀢𑀺. 𑀲𑁂𑀲𑀁 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀁, 𑀇𑀤𑀁 𑀧𑀦 𑀅𑀓𑀼𑀲𑀮𑀘𑀺𑀢𑁆𑀢𑀦𑁆𑀢𑀺.

𑀲𑀗𑁆𑀖𑀸𑀡𑀺𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.