𑁮. 𑀧𑀞𑀫𑀲𑀳𑀚𑀻𑀯𑀺𑀦𑀺𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀅𑀝𑁆𑀞𑀫𑁂 𑀲𑀳𑀚𑀻𑀯𑀺𑀦𑀺𑀦𑁆𑀢𑀺 𑀲𑀤𑁆𑀥𑀺𑀯𑀺𑀳𑀸𑀭𑀺𑀦𑀺𑀁. 𑀦𑁂𑀯 𑀅𑀦𑀼𑀕𑁆𑀕𑀡𑁆𑀳𑁂𑀬𑁆𑀬𑀸𑀢𑀺 𑀲𑀬𑀁 𑀉𑀤𑁆𑀤𑁂𑀲𑀸𑀤𑀻𑀳𑀺 𑀦𑀸𑀦𑀼𑀕𑁆𑀕𑀡𑁆𑀳𑁂𑀬𑁆𑀬. 𑀦 𑀅𑀦𑀼𑀕𑁆𑀕𑀡𑁆𑀳𑀸𑀧𑁂𑀬𑁆𑀬𑀸𑀢𑀺 ‘‘𑀇𑀫𑀺𑀲𑁆𑀲𑀸, 𑀅𑀬𑁆𑀬𑁂, 𑀉𑀤𑁆𑀤𑁂𑀲𑀸𑀤𑀻𑀦𑀺 𑀤𑁂𑀳𑀻’’𑀢𑀺 𑀏𑀯𑀁 𑀦 𑀅𑀜𑁆𑀜𑀸𑀬 𑀅𑀦𑀼𑀕𑁆𑀕𑀡𑁆𑀳𑀸𑀧𑁂𑀬𑁆𑀬. 𑀧𑀸𑀘𑀺𑀢𑁆𑀢𑀺𑀬𑀦𑁆𑀢𑀺 𑀥𑀼𑀭𑁂 𑀦𑀺𑀓𑁆𑀔𑀺𑀢𑁆𑀢𑀫𑀢𑁆𑀢𑁂 𑀧𑀸𑀘𑀺𑀢𑁆𑀢𑀺𑀬𑀁.

𑀲𑀸𑀯𑀢𑁆𑀣𑀺𑀬𑀁 𑀣𑀼𑀮𑁆𑀮𑀦𑀦𑁆𑀤𑀁 𑀆𑀭𑀩𑁆𑀪 𑀏𑀯𑀭𑀽𑀧𑁂 𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁, 𑀲𑁂𑀲𑀫𑁂𑀢𑁆𑀣 𑀢𑀼𑀯𑀝𑁆𑀝𑀯𑀕𑁆𑀕𑁂 𑀤𑀼𑀓𑁆𑀔𑀺𑀢𑀲𑀳𑀚𑀻𑀯𑀺𑀦𑀺𑀲𑀺𑀓𑁆𑀔𑀸𑀧𑀤𑁂 𑀯𑀼𑀢𑁆𑀢𑀲𑀤𑀺𑀲𑀫𑁂𑀯𑀸𑀢𑀺.

𑀧𑀞𑀫𑀲𑀳𑀚𑀻𑀯𑀺𑀦𑀺𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.