𑁧. 𑀏𑀓𑀫𑀜𑁆𑀘𑀢𑀼𑀯𑀝𑁆𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀢𑀼𑀯𑀝𑁆𑀝𑀯𑀕𑁆𑀕𑀲𑁆𑀲 𑀧𑀞𑀫𑁂 𑀢𑀼𑀯𑀝𑁆𑀝𑁂𑀬𑁆𑀬𑀼𑀦𑁆𑀢𑀺 𑀦𑀺𑀧𑀚𑁆𑀚𑁂𑀬𑁆𑀬𑀼𑀁. 𑀢𑀸𑀲𑀼 𑀧𑀦 𑀏𑀓𑀸𑀬 𑀯𑀸 𑀦𑀺𑀧𑀦𑁆𑀦𑀸𑀬 𑀅𑀧𑀭𑀸 𑀦𑀺𑀧𑀚𑁆𑀚𑀢𑀼, 𑀤𑁆𑀯𑁂𑀧𑀺 𑀯𑀸 𑀲𑀳𑁂𑀯 𑀦𑀺𑀧𑀚𑁆𑀚𑀦𑁆𑀢𑀼, 𑀤𑁆𑀯𑀺𑀦𑁆𑀦𑀫𑁆𑀧𑀺 𑀧𑀸𑀘𑀺𑀢𑁆𑀢𑀺𑀬𑀁.

𑀲𑀸𑀯𑀢𑁆𑀣𑀺𑀬𑀁 𑀲𑀫𑁆𑀩𑀳𑀼𑀮𑀸 𑀪𑀺𑀓𑁆𑀔𑀼𑀦𑀺𑀬𑁄 𑀆𑀭𑀩𑁆𑀪 𑀤𑁆𑀯𑀺𑀦𑁆𑀦𑀁 𑀏𑀓𑀫𑀜𑁆𑀘𑁂 𑀢𑀼𑀯𑀝𑁆𑀝𑀦𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁, 𑀲𑀘𑁂 𑀧𑀦 𑀏𑀓𑀸𑀬 𑀦𑀺𑀧𑀦𑁆𑀦𑀸𑀬 𑀏𑀓𑀸 𑀦𑀺𑀲𑀻𑀤𑀢𑀺, 𑀉𑀪𑁄 𑀯𑀸 𑀦𑀺𑀲𑀻𑀤𑀦𑁆𑀢𑀺, 𑀢𑀸𑀲𑀁, 𑀉𑀫𑁆𑀫𑀢𑁆𑀢𑀺𑀓𑀸𑀤𑀻𑀦𑀜𑁆𑀘 𑀅𑀦𑀸𑀧𑀢𑁆𑀢𑀺. 𑀏𑀓𑀫𑀜𑁆𑀘𑀢𑀸, 𑀤𑁆𑀯𑀺𑀦𑁆𑀦𑀁 𑀢𑀼𑀯𑀝𑁆𑀝𑀦𑀦𑁆𑀢𑀺 𑀇𑀫𑀸𑀦𑁂𑀢𑁆𑀣 𑀤𑁆𑀯𑁂 𑀅𑀗𑁆𑀕𑀸𑀦𑀺. 𑀲𑀫𑀼𑀝𑁆𑀞𑀸𑀦𑀸𑀤𑀻𑀦𑀺 𑀏𑀴𑀓𑀮𑁄𑀫𑀲𑀤𑀺𑀲𑀸𑀦𑀻𑀢𑀺.

𑀏𑀓𑀫𑀜𑁆𑀘𑀢𑀼𑀯𑀝𑁆𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.