𑁧. 𑀮𑀲𑀼𑀡𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀧𑀸𑀘𑀺𑀢𑁆𑀢𑀺𑀬𑁂𑀲𑀼 𑀮𑀲𑀼𑀡𑀯𑀕𑁆𑀕𑀲𑁆𑀲 𑀢𑀸𑀯 𑀧𑀞𑀫𑁂 𑀮𑀲𑀼𑀡𑀦𑁆𑀢𑀺 𑀫𑀕𑀥𑀭𑀝𑁆𑀞𑁂 𑀚𑀸𑀢𑀁 𑀆𑀫𑀓𑀁 𑀪𑀡𑁆𑀟𑀺𑀓𑀮𑀲𑀼𑀡𑀫𑁂𑀯, 𑀦 𑀏𑀓𑀤𑁆𑀯𑀺𑀢𑀺𑀫𑀺𑀜𑁆𑀚𑀓𑀁. 𑀢𑀜𑁆𑀳𑀺 ‘‘𑀔𑀸𑀤𑀺𑀲𑁆𑀲𑀸𑀫𑀻’’𑀢𑀺 𑀧𑀝𑀺𑀕𑁆𑀕𑀡𑁆𑀳𑀦𑁆𑀢𑀺𑀬𑀸 𑀤𑀼𑀓𑁆𑀓𑀝𑀁, 𑀅𑀚𑁆𑀛𑁄𑀳𑀸𑀭𑁂 𑀅𑀚𑁆𑀛𑁄𑀳𑀸𑀭𑁂 𑀧𑀸𑀘𑀺𑀢𑁆𑀢𑀺𑀬𑀁.

𑀲𑀸𑀯𑀢𑁆𑀣𑀺𑀬𑀁 𑀣𑀼𑀮𑁆𑀮𑀦𑀦𑁆𑀤𑀁 𑀆𑀭𑀩𑁆𑀪 𑀮𑀲𑀼𑀡𑀁 𑀳𑀭𑀸𑀧𑀦𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁, 𑀢𑀺𑀓𑀧𑀸𑀘𑀺𑀢𑁆𑀢𑀺𑀬𑀁, 𑀅𑀮𑀲𑀼𑀡𑁂 𑀤𑁆𑀯𑀺𑀓𑀤𑀼𑀓𑁆𑀓𑀝𑀁. 𑀢𑀲𑁆𑀫𑀺𑀁 𑀧𑀦 𑀅𑀮𑀲𑀼𑀡𑀲𑀜𑁆𑀜𑀸𑀬, 𑀧𑀮𑀡𑁆𑀟𑀼𑀓𑁂, 𑀪𑀜𑁆𑀚𑀦𑀓𑁂, 𑀳𑀭𑀺𑀢𑀓𑁂, 𑀘𑀸𑀧𑀮𑀲𑀼𑀡𑁂, 𑀲𑀽𑀧𑀲𑀫𑁆𑀧𑀸𑀓𑁂, 𑀫𑀁𑀲𑀲𑀫𑁆𑀧𑀸𑀓𑁂, 𑀢𑁂𑀮𑀲𑀫𑁆𑀧𑀸𑀓𑁂, 𑀲𑀸𑀴𑀯𑁂, 𑀉𑀢𑁆𑀢𑀭𑀺𑀪𑀗𑁆𑀕𑁂, 𑀉𑀫𑁆𑀫𑀢𑁆𑀢𑀺𑀓𑀸𑀤𑀻𑀦𑀜𑁆𑀘 𑀅𑀦𑀸𑀧𑀢𑁆𑀢𑀺. 𑀆𑀫𑀓𑀮𑀲𑀼𑀡𑀜𑁆𑀘𑁂𑀯, 𑀅𑀚𑁆𑀛𑁄𑀳𑀭𑀡𑀜𑁆𑀘𑀸𑀢𑀺 𑀇𑀫𑀸𑀦𑁂𑀢𑁆𑀣 𑀤𑁆𑀯𑁂 𑀅𑀗𑁆𑀕𑀸𑀦𑀺. 𑀲𑀫𑀼𑀝𑁆𑀞𑀸𑀦𑀸𑀤𑀻𑀦𑀺 𑀏𑀴𑀓𑀮𑁄𑀫𑀲𑀤𑀺𑀲𑀸𑀦𑀻𑀢𑀺.

𑀮𑀲𑀼𑀡𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.