𑁫-𑁯. 𑀕𑀡𑁆𑀟𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁫-𑁧𑁯. 𑀧𑀜𑁆𑀘𑀫𑁂 𑀫𑀸𑀢𑀸𑀧𑁂𑀢𑁆𑀢𑀺𑀓𑀲𑀫𑁆𑀪𑀯𑀲𑁆𑀲𑀸𑀢𑀺 𑀫𑀸𑀢𑀺𑀢𑁄 𑀘 𑀧𑀺𑀢𑀺𑀢𑁄 𑀘 𑀦𑀺𑀩𑁆𑀩𑀢𑁆𑀢𑁂𑀦 𑀫𑀸𑀢𑀸𑀧𑁂𑀢𑁆𑀢𑀺𑀓𑁂𑀦 𑀲𑀼𑀓𑁆𑀓𑀲𑁄𑀡𑀺𑀢𑁂𑀦 𑀲𑀫𑁆𑀪𑀽𑀢𑀲𑁆𑀲. 𑀉𑀘𑁆𑀙𑀸𑀤𑀦𑀥𑀫𑁆𑀫𑀲𑁆𑀲𑀸𑀢𑀺 𑀉𑀘𑁆𑀙𑀸𑀤𑁂𑀢𑀩𑁆𑀩𑀲𑀪𑀸𑀯𑀲𑁆𑀲. 𑀧𑀭𑀺𑀫𑀤𑁆𑀤𑀦𑀥𑀫𑁆𑀫𑀲𑁆𑀲𑀸𑀢𑀺 𑀧𑀭𑀺𑀫𑀤𑁆𑀤𑀺𑀢𑀩𑁆𑀩𑀲𑀪𑀸𑀯𑀲𑁆𑀲. 𑀏𑀢𑁆𑀣 𑀘 𑀑𑀤𑀦𑀓𑀼𑀫𑁆𑀫𑀸𑀲𑀽𑀧𑀘𑀬𑀉𑀘𑁆𑀙𑀸𑀤𑀦𑀧𑀤𑁂𑀳𑀺 𑀯𑀟𑁆𑀠𑀺 𑀓𑀣𑀺𑀢𑀸, 𑀅𑀦𑀺𑀘𑁆𑀘𑀪𑁂𑀤𑀦𑀯𑀺𑀤𑁆𑀥𑀁𑀲𑀦𑀧𑀤𑁂𑀳𑀺 𑀳𑀸𑀦𑀺. 𑀧𑀼𑀭𑀺𑀫𑁂𑀳𑀺 𑀯𑀸 𑀲𑀫𑀼𑀤𑀬𑁄, 𑀧𑀘𑁆𑀙𑀺𑀫𑁂𑀳𑀺 𑀅𑀢𑁆𑀣𑀗𑁆𑀕𑀫𑁄𑀢𑀺 𑀏𑀯𑀁 𑀘𑀸𑀢𑀼𑀫𑀳𑀸𑀪𑀽𑀢𑀺𑀓𑀲𑁆𑀲 𑀓𑀸𑀬𑀲𑁆𑀲 𑀯𑀟𑁆𑀠𑀺𑀧𑀭𑀺𑀳𑀸𑀦𑀺𑀦𑀺𑀩𑁆𑀩𑀢𑁆𑀢𑀺𑀪𑁂𑀤𑀸 𑀤𑀲𑁆𑀲𑀺𑀢𑀸. 𑀲𑁂𑀲𑀁 𑀲𑀼𑀯𑀺𑀜𑁆𑀜𑁂𑀬𑁆𑀬𑀫𑁂𑀯. 𑀙𑀝𑁆𑀞𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑀺.

𑀕𑀡𑁆𑀟𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.