𑁩. 𑀓𑁄𑀝𑁆𑀞𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁩. 𑀢𑀢𑀺𑀬𑁂 𑀤𑀺𑀝𑁆𑀞𑀥𑀫𑁆𑀫𑁄 𑀯𑀼𑀘𑁆𑀘𑀢𑀺 𑀧𑀘𑁆𑀘𑀓𑁆𑀔𑀪𑀽𑀢𑁄 𑀅𑀢𑁆𑀢𑀪𑀸𑀯𑁄, 𑀢𑀲𑁆𑀫𑀺𑀁 𑀯𑁂𑀤𑀺𑀢𑀩𑁆𑀩𑀁 𑀨𑀮𑀁 𑀤𑀺𑀝𑁆𑀞𑀥𑀫𑁆𑀫𑀯𑁂𑀤𑀦𑀻𑀬𑀁. 𑀢𑁂𑀦𑀸𑀳 ‘‘𑀇𑀫𑀲𑁆𑀫𑀺𑀁𑀬𑁂𑀯 𑀅𑀢𑁆𑀢𑀪𑀸𑀯𑁂’’𑀢𑀺. 𑀘𑀢𑀼𑀧𑁆𑀧𑀜𑁆𑀘𑀓𑁆𑀔𑀦𑁆𑀥𑀨𑀮𑀢𑀸𑀬 𑀲𑀜𑁆𑀜𑀸𑀪𑀯𑀽𑀧𑀕𑀁 𑀓𑀫𑁆𑀫𑀁 𑀩𑀳𑀼𑀯𑁂𑀤𑀦𑀻𑀬𑀁. 𑀏𑀓𑀓𑁆𑀔𑀦𑁆𑀥𑀨𑀮𑀢𑁆𑀢𑀸 𑀅𑀲𑀜𑁆𑀜𑀸𑀪𑀯𑀽𑀧𑀕𑀁 𑀓𑀫𑁆𑀫𑀁 ‘‘𑀅𑀧𑁆𑀧𑀯𑁂𑀤𑀦𑀻𑀬’’𑀦𑁆𑀢𑀺 𑀯𑀼𑀢𑁆𑀢𑀁. 𑀓𑁂𑀘𑀺 𑀧𑀦 ‘‘𑀅𑀭𑀽𑀧𑀸𑀯𑀘𑀭𑀓𑀫𑁆𑀫𑀁 𑀩𑀳𑀼𑀓𑀸𑀮𑀁 𑀯𑁂𑀤𑀺𑀢𑀩𑁆𑀩𑀨𑀮𑀢𑁆𑀢𑀸 𑀩𑀳𑀼𑀯𑁂𑀤𑀦𑀻𑀬𑀁, 𑀇𑀢𑀭𑀁 𑀅𑀧𑁆𑀧𑀯𑁂𑀤𑀦𑀻𑀬𑀁. 𑀭𑀽𑀧𑀸𑀭𑀽𑀧𑀸𑀯𑀘𑀭𑀓𑀫𑁆𑀫𑀁 𑀯𑀸 𑀩𑀳𑀼𑀯𑁂𑀤𑀦𑀻𑀬𑀁, 𑀧𑀭𑀺𑀢𑁆𑀢𑀁 𑀓𑀫𑁆𑀫𑀁 𑀅𑀧𑁆𑀧𑀯𑁂𑀤𑀦𑀻𑀬’’𑀦𑁆𑀢𑀺 𑀯𑀤𑀦𑁆𑀢𑀺. 𑀯𑁂𑀤𑀦𑀻𑀬𑀦𑁆𑀢𑀺 𑀧𑀘𑁆𑀘𑀬𑀦𑁆𑀢𑀭𑀲𑀫𑀯𑀸𑀬𑁂 𑀯𑀺𑀧𑀸𑀓𑀼𑀧𑁆𑀧𑀸𑀤𑀦𑀲𑀫𑀢𑁆𑀣𑀁, 𑀦 𑀆𑀭𑀤𑁆𑀥𑀯𑀺𑀧𑀸𑀓𑀫𑁂𑀯. 𑀅𑀯𑁂𑀤𑀦𑀻𑀬𑀦𑁆𑀢𑀺 𑀧𑀘𑁆𑀘𑀬𑀯𑁂𑀓𑀮𑁆𑀮𑁂𑀦 𑀯𑀺𑀧𑀘𑁆𑀘𑀺𑀢𑀼𑀁 𑀅𑀲𑀫𑀢𑁆𑀣𑀁 𑀅𑀳𑁄𑀲𑀺𑀓𑀫𑁆𑀫𑀸𑀤𑀺𑀪𑁂𑀤𑀁.

𑀓𑁄𑀝𑁆𑀞𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.