𑁧-𑁭. 𑀧𑀞𑀫𑀉𑀕𑁆𑀕𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁧-𑁨𑁭. 𑀢𑀢𑀺𑀬𑀲𑁆𑀲 𑀧𑀞𑀫𑀤𑀼𑀢𑀺𑀬𑁂𑀲𑀼 𑀦𑀢𑁆𑀣𑀺 𑀯𑀢𑁆𑀢𑀩𑁆𑀩𑀁. 𑀢𑀢𑀺𑀬𑁂 ‘‘𑀳𑀢𑁆𑀣𑀕𑁄’’𑀢𑀺 𑀯𑀢𑁆𑀢𑀩𑁆𑀩𑁂 ‘‘𑀳𑀢𑁆𑀣𑀓𑁄’’𑀢𑀺 𑀯𑀼𑀢𑁆𑀢𑀁. 𑀲𑁄 𑀳𑀺 𑀭𑀸𑀚𑀧𑀼𑀭𑀺𑀲𑀸𑀦𑀁 𑀳𑀢𑁆𑀣𑀢𑁄 𑀬𑀓𑁆𑀔𑀲𑁆𑀲 𑀳𑀢𑁆𑀣𑀁, 𑀬𑀓𑁆𑀔𑀲𑁆𑀲 𑀳𑀢𑁆𑀣𑀢𑁄 𑀪𑀕𑀯𑀢𑁄 𑀳𑀢𑁆𑀣𑀁, 𑀪𑀕𑀯𑀢𑁄 𑀳𑀢𑁆𑀣𑀢𑁄 𑀧𑀼𑀦 𑀭𑀸𑀚𑀧𑀼𑀭𑀺𑀲𑀸𑀦𑀁 𑀳𑀢𑁆𑀣𑀁 𑀕𑀢𑀢𑁆𑀢𑀸 𑀦𑀸𑀫𑀢𑁄 𑀳𑀢𑁆𑀣𑀓𑁄 𑀆𑀴𑀯𑀓𑁄𑀢𑀺 𑀚𑀸𑀢𑁄. 𑀢𑁂𑀦𑀸𑀳 ‘‘𑀆𑀴𑀯𑀓𑀬𑀓𑁆𑀔𑀲𑁆𑀲 𑀳𑀢𑁆𑀣𑀢𑁄 𑀳𑀢𑁆𑀣𑁂𑀳𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑀢𑁆𑀢𑀸 𑀳𑀢𑁆𑀣𑀓𑁄𑀢𑀺 𑀮𑀤𑁆𑀥𑀦𑀸𑀫𑁄 𑀭𑀸𑀚𑀓𑀼𑀫𑀸𑀭𑁄’’𑀢𑀺. 𑀘𑀢𑀼𑀢𑁆𑀣𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯.

𑀧𑀞𑀫𑀉𑀕𑁆𑀕𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.