𑁩. 𑀢𑀺𑀲𑁆𑀲𑀩𑁆𑀭𑀳𑁆𑀫𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁬. 𑀢𑀢𑀺𑀬𑁂 𑀯𑀺𑀯𑀺𑀢𑁆𑀢𑀸𑀦𑀺 𑀢𑀸𑀤𑀺𑀲𑀸𑀦𑀺 𑀧𑀦 𑀧𑀭𑀺𑀬𑀦𑁆𑀢𑀸𑀦𑀺 𑀅𑀢𑀺𑀤𑀽𑀭𑀸𑀦𑀺 𑀳𑁄𑀦𑁆𑀢𑀻𑀢𑀺 𑀆𑀳 ‘‘𑀅𑀦𑁆𑀢𑀺𑀫𑀧𑀭𑀺𑀬𑀦𑁆𑀢𑀺𑀫𑀸𑀦𑀻’’𑀢𑀺. 𑀅𑀦𑁆𑀢𑁂 𑀪𑀯𑀸𑀦𑀺 𑀅𑀦𑁆𑀢𑀺𑀫𑀸𑀦𑀺, 𑀅𑀦𑁆𑀢𑀺𑀫𑀸𑀦𑀺𑀬𑁂𑀯 𑀧𑀭𑀺𑀬𑀦𑁆𑀢𑀺𑀫𑀸𑀦𑀺. 𑀉𑀪𑀬𑁂𑀦𑀧𑀺 𑀅𑀢𑀺𑀤𑀽𑀭𑀢𑀁 𑀤𑀲𑁆𑀲𑁂𑀢𑀺. 𑀲𑀫𑀦𑁆𑀦𑀸𑀳𑀸𑀭𑁂 𑀞𑀧𑀬𑀫𑀸𑀦𑁄𑀢𑀺 𑀇𑀦𑁆𑀤𑁆𑀭𑀺𑀬𑀁 𑀲𑀫𑀸𑀓𑀸𑀭𑁂𑀦 𑀯𑀢𑁆𑀢𑁂𑀦𑁆𑀢𑁄 𑀇𑀦𑁆𑀤𑁆𑀭𑀺𑀬𑀲𑀫𑀢𑀁 𑀧𑀝𑀺𑀧𑀸𑀤𑁂𑀦𑁆𑀢𑁄 𑀦𑀸𑀫 𑀳𑁄𑀢𑀺. 𑀯𑀺𑀧𑀲𑁆𑀲𑀦𑀸𑀘𑀺𑀢𑁆𑀢𑀲𑀫𑁆𑀧𑀬𑀼𑀢𑁆𑀢𑁄 𑀲𑀫𑀸𑀥𑀺, 𑀲𑀢𑀺𑀧𑀺 𑀲𑀗𑁆𑀔𑀸𑀭𑀦𑀺𑀫𑀺𑀢𑁆𑀢𑀸𑀯𑀺𑀭𑀳𑁂 𑀦𑀺𑀘𑁆𑀘𑀦𑀺𑀫𑀺𑀢𑁆𑀢𑀸𑀤𑀺𑀯𑀺𑀭𑀳𑀢𑁄 ‘‘𑀅𑀦𑀺𑀫𑀺𑀢𑁆𑀢𑁄’’𑀢𑀺 𑀯𑀼𑀘𑁆𑀘𑀢𑀻𑀢𑀺 𑀆𑀳 ‘‘𑀅𑀦𑀺𑀫𑀺𑀢𑁆𑀢𑀦𑁆𑀢𑀺 𑀩𑀮𑀯𑀯𑀺𑀧𑀲𑁆𑀲𑀦𑀸𑀲𑀫𑀸𑀥𑀺’’𑀦𑁆𑀢𑀺.

𑀢𑀺𑀲𑁆𑀲𑀩𑁆𑀭𑀳𑁆𑀫𑀸𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.