𑁫. 𑀅𑀥𑀺𑀕𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁯. 𑀧𑀜𑁆𑀘𑀫𑁂 𑀆𑀕𑀘𑁆𑀙𑀦𑁆𑀢𑀺 𑀏𑀢𑁂𑀦 𑀓𑀼𑀲𑀮𑀸 𑀯𑀸 𑀅𑀓𑀼𑀲𑀮𑀸 𑀯𑀸𑀢𑀺 𑀆𑀕𑀫𑀦𑀁, 𑀓𑀼𑀲𑀮𑀸𑀓𑀼𑀲𑀮𑀸𑀦𑀁 𑀉𑀧𑁆𑀧𑀢𑁆𑀢𑀺𑀓𑀸𑀭𑀡𑀁. 𑀢𑀢𑁆𑀣 𑀓𑀼𑀲𑀮𑁄𑀢𑀺 𑀆𑀕𑀫𑀦𑀓𑀼𑀲𑀮𑁄. 𑀏𑀯𑀁 𑀥𑀫𑁆𑀫𑁂 𑀫𑀦𑀲𑀺𑀓𑀭𑁄𑀢𑁄 𑀓𑀼𑀲𑀮𑀸 𑀯𑀸 𑀅𑀓𑀼𑀲𑀮𑀸 𑀯𑀸 𑀥𑀫𑁆𑀫𑀸 𑀅𑀪𑀺𑀯𑀟𑁆𑀠𑀦𑁆𑀢𑀻𑀢𑀺 𑀏𑀯𑀁 𑀚𑀸𑀦𑀦𑁆𑀢𑁄. 𑀅𑀧𑀕𑀘𑁆𑀙𑀦𑁆𑀢𑀺 𑀓𑀼𑀲𑀮𑀸 𑀯𑀸 𑀅𑀓𑀼𑀲𑀮𑀸 𑀯𑀸 𑀏𑀢𑁂𑀦𑀸𑀢𑀺 𑀅𑀧𑀕𑀫𑀦𑀁. 𑀢𑁂𑀲𑀁 𑀏𑀯 𑀅𑀦𑀼𑀧𑁆𑀧𑀢𑁆𑀢𑀺𑀓𑀸𑀭𑀡𑀁, 𑀢𑀢𑁆𑀣 𑀓𑀼𑀲𑀮𑁄𑀢𑀺 𑀅𑀧𑀕𑀫𑀦𑀓𑀼𑀲𑀮𑁄. 𑀏𑀯𑀁 𑀥𑀫𑁆𑀫𑁂 𑀫𑀦𑀲𑀺𑀓𑀭𑁄𑀢𑁄 𑀓𑀼𑀲𑀮𑀸 𑀯𑀸 𑀅𑀓𑀼𑀲𑀮𑀸 𑀯𑀸 𑀥𑀫𑁆𑀫𑀸 𑀦𑀸𑀪𑀺𑀯𑀟𑁆𑀠𑀦𑁆𑀢𑀻𑀢𑀺 𑀏𑀯𑀁 𑀚𑀸𑀦𑀦𑁆𑀢𑁄. 𑀉𑀧𑀸𑀬𑀓𑀼𑀲𑀮𑁄𑀢𑀺 𑀞𑀸𑀦𑀼𑀧𑁆𑀧𑀢𑁆𑀢𑀺𑀓𑀧𑀜𑁆𑀜𑀸𑀲𑀫𑀦𑁆𑀦𑀸𑀕𑀢𑁄. 𑀇𑀤𑀜𑁆𑀘 𑀅𑀘𑁆𑀘𑀸𑀬𑀺𑀓𑀓𑀺𑀘𑁆𑀘𑁂 𑀯𑀸 𑀪𑀬𑁂 𑀯𑀸 𑀉𑀧𑁆𑀧𑀦𑁆𑀦𑁂 𑀢𑀲𑁆𑀲 𑀢𑀺𑀓𑀺𑀘𑁆𑀙𑀦𑀢𑁆𑀣𑀁 𑀞𑀸𑀦𑀼𑀧𑁆𑀧𑀢𑁆𑀢𑀺𑀬𑀸 𑀓𑀸𑀭𑀡𑀚𑀸𑀦𑀦𑀯𑀲𑁂𑀦 𑀯𑁂𑀤𑀺𑀢𑀩𑁆𑀩𑀁.

𑀅𑀥𑀺𑀕𑀫𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.