𑁩. 𑀪𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩. 𑀢𑀢𑀺𑀬𑁂 𑀲𑀫𑁆𑀪𑀯𑀢𑀺 𑀚𑀸𑀢𑀺𑀫𑀭𑀡𑀁 𑀏𑀢𑁂𑀦𑀸𑀢𑀺 𑀲𑀫𑁆𑀪𑀯𑁄, 𑀉𑀧𑀸𑀤𑀸𑀦𑀦𑁆𑀢𑀺 𑀆𑀳 ‘‘𑀚𑀸𑀢𑀺𑀬𑀸 𑀘 𑀫𑀭𑀡𑀲𑁆𑀲 𑀘 𑀲𑀫𑁆𑀪𑀯𑁂 𑀧𑀘𑁆𑀘𑀬𑀪𑀽𑀢𑁂’’𑀢𑀺. 𑀅𑀦𑀼𑀧𑀸𑀤𑀸𑀢𑀺 𑀅𑀦𑀼𑀧𑀸𑀤𑀸𑀬. 𑀢𑁂𑀦𑀸𑀳 ‘‘𑀅𑀦𑀼𑀧𑀸𑀤𑀺𑀬𑀺𑀢𑁆𑀯𑀸’’𑀢𑀺. 𑀚𑀸𑀢𑀺𑀫𑀭𑀡𑀸𑀦𑀺 𑀲𑀫𑁆𑀫𑀸 𑀔𑀻𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀚𑀸𑀢𑀺𑀫𑀭𑀡𑀲𑀗𑁆𑀔𑀬𑁄, 𑀦𑀺𑀩𑁆𑀩𑀸𑀦𑀦𑁆𑀢𑀺 𑀆𑀳 ‘‘𑀚𑀸𑀢𑀺𑀫𑀭𑀡𑀸𑀦𑀁 𑀲𑀗𑁆𑀔𑀬𑀲𑀗𑁆𑀔𑀸𑀢𑁂 𑀦𑀺𑀩𑁆𑀩𑀸𑀦𑁂’’𑀢𑀺. 𑀲𑀩𑁆𑀩𑀤𑀼𑀓𑁆𑀔𑀁 𑀉𑀧𑀘𑁆𑀘𑀕𑀼𑀦𑁆𑀢𑀺 𑀲𑀓𑀮𑀫𑁆𑀧𑀺 𑀯𑀝𑁆𑀝𑀤𑀼𑀓𑁆𑀔𑀁 𑀅𑀢𑀺𑀓𑁆𑀓𑀦𑁆𑀢𑀸 𑀘𑀭𑀺𑀫𑀘𑀺𑀢𑁆𑀢𑀦𑀺𑀭𑁄𑀥𑁂𑀦 𑀯𑀝𑁆𑀝𑀤𑀼𑀓𑁆𑀔𑀮𑁂𑀲𑀲𑁆𑀲𑀧𑀺 𑀅𑀲𑀫𑁆𑀪𑀯𑀢𑁄.

𑀪𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.