𑁭. 𑀲𑁄𑀧𑁆𑀧𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁭. 𑀲𑀢𑁆𑀢𑀫𑁂 𑀧𑀝𑀺𑀲𑀮𑁆𑀮𑀸𑀦𑀸 𑀯𑀼𑀝𑁆𑀞𑀺𑀢𑁄𑀢𑀺 𑀏𑀢𑁆𑀣 𑀧𑀝𑀺𑀲𑀮𑁆𑀮𑀸𑀦𑀦𑁆𑀢𑀺 𑀢𑁂𑀳𑀺 𑀢𑁂𑀳𑀺 𑀲𑀤𑁆𑀥𑀺𑀯𑀺𑀳𑀸𑀭𑀺𑀓𑀅𑀦𑁆𑀢𑁂𑀯𑀸𑀲𑀺𑀓𑀉𑀧𑀸𑀲𑀓𑀸𑀤𑀺𑀲𑀢𑁆𑀢𑁂𑀳𑀺 𑀘𑁂𑀯 𑀭𑀽𑀧𑀸𑀭𑀫𑁆𑀫𑀡𑀸𑀤𑀺𑀲𑀗𑁆𑀔𑀸𑀭𑁂𑀳𑀺 𑀘 𑀧𑀝𑀺𑀦𑀺𑀯𑀢𑁆𑀢𑀺𑀢𑁆𑀯𑀸 𑀅𑀧𑀲𑀓𑁆𑀓𑀺𑀢𑁆𑀯𑀸 𑀦𑀺𑀮𑀻𑀬𑀦𑀁 𑀯𑀺𑀯𑁂𑀘𑀦𑀁. 𑀓𑀸𑀬𑀘𑀺𑀢𑁆𑀢𑁂𑀳𑀺 𑀢𑀢𑁄 𑀯𑀺𑀯𑀺𑀢𑁆𑀢𑁄 𑀏𑀓𑀻𑀪𑀸𑀯𑁄 𑀧𑀯𑀺𑀯𑁂𑀓𑁄𑀢𑀺 𑀆𑀳 ‘‘𑀏𑀓𑀻𑀪𑀸𑀯𑀸𑀬𑀸’’𑀢𑀺𑀆𑀤𑀺. 𑀏𑀓𑀻𑀪𑀸𑀯𑀢𑁄𑀢𑀺 𑀘 𑀇𑀫𑀺𑀦𑀸 𑀓𑀸𑀬𑀯𑀺𑀯𑁂𑀓𑀢𑁄 𑀯𑀼𑀝𑁆𑀞𑀸𑀦𑀫𑀸𑀳. 𑀥𑀫𑁆𑀫𑀦𑀺𑀚𑁆𑀛𑀸𑀦𑀓𑁆𑀔𑀦𑁆𑀢𑀺𑀢𑁄𑀢𑀺𑀆𑀤𑀺𑀦𑀸 𑀘𑀺𑀢𑁆𑀢𑀯𑀺𑀯𑁂𑀓𑀢𑁄. 𑀯𑀼𑀝𑁆𑀞𑀺𑀢𑁄𑀢𑀺 𑀢𑀢𑁄 𑀤𑀼𑀯𑀺𑀥𑀯𑀺𑀯𑁂𑀓𑀢𑁄 𑀪𑀯𑀗𑁆𑀕𑀼𑀧𑁆𑀧𑀢𑁆𑀢𑀺𑀬𑀸 𑀲𑀩𑁆𑀭𑀳𑁆𑀫𑀘𑀸𑀭𑀻𑀳𑀺 𑀲𑀫𑀸𑀕𑀫𑁂𑀦 𑀉𑀧𑁂𑀢𑁄.

𑀲𑁄𑀧𑁆𑀧𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.