𑁮. 𑀅𑀦𑀼𑀢𑁆𑀢𑀭𑀺𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁮. 𑀅𑀝𑁆𑀞𑀫𑁂 𑀦𑀢𑁆𑀣𑀺 𑀏𑀢𑁂𑀲𑀁 𑀉𑀢𑁆𑀢𑀭𑀸𑀦𑀺 𑀯𑀺𑀲𑀺𑀝𑁆𑀞𑀸𑀦𑀻𑀢𑀺 𑀅𑀦𑀼𑀢𑁆𑀢𑀭𑀸𑀦𑀺, 𑀅𑀦𑀼𑀢𑁆𑀢𑀭𑀸𑀦𑀺 𑀏𑀯 𑀅𑀦𑀼𑀢𑁆𑀢𑀭𑀺𑀬𑀸𑀦𑀺 𑀬𑀣𑀸 ‘‘𑀅𑀦𑀦𑁆𑀢𑀫𑁂𑀯 𑀅𑀦𑀦𑁆𑀢𑀭𑀺𑀬’’𑀦𑁆𑀢𑀺 𑀆𑀳 ‘‘𑀦𑀺𑀭𑀼𑀢𑁆𑀢𑀭𑀸𑀦𑀻’’𑀢𑀺. 𑀤𑀲𑁆𑀲𑀦𑀸𑀦𑀼𑀢𑁆𑀢𑀭𑀺𑀬𑀁 𑀦𑀸𑀫 𑀨𑀮𑀯𑀺𑀲𑁂𑀲𑀸𑀯𑀳𑀢𑁆𑀢𑀸. 𑀏𑀲 𑀦𑀬𑁄 𑀲𑁂𑀲𑁂𑀲𑀼𑀧𑀺. 𑀲𑀢𑁆𑀢𑀯𑀺𑀥𑀅𑀭𑀺𑀬𑀥𑀦𑀮𑀸𑀪𑁄𑀢𑀺 𑀲𑀢𑁆𑀢𑀯𑀺𑀥𑀲𑀤𑁆𑀥𑀸𑀤𑀺𑀮𑁄𑀓𑀼𑀢𑁆𑀢𑀭𑀥𑀦𑀮𑀸𑀪𑁄. 𑀲𑀺𑀓𑁆𑀔𑀸𑀢𑁆𑀢𑀬𑀲𑁆𑀲 𑀧𑀽𑀭𑀡𑀦𑁆𑀢𑀺 𑀅𑀥𑀺𑀲𑀻𑀮𑀲𑀺𑀓𑁆𑀔𑀸𑀤𑀻𑀦𑀁 𑀢𑀺𑀲𑁆𑀲𑀦𑁆𑀦𑀁 𑀲𑀺𑀓𑁆𑀔𑀸𑀦𑀁 𑀧𑀽𑀭𑀡𑀁. 𑀢𑀢𑁆𑀣 𑀧𑀽𑀭𑀡𑀁 𑀦𑀺𑀧𑁆𑀧𑀭𑀺𑀬𑀸𑀬𑀢𑁄 𑀅𑀲𑁂𑀓𑁆𑀔𑀸𑀦𑀁 𑀯𑀲𑁂𑀦 𑀯𑁂𑀤𑀺𑀢𑀩𑁆𑀩𑀁. 𑀓𑀮𑁆𑀬𑀸𑀡𑀧𑀼𑀣𑀼𑀚𑁆𑀚𑀦𑀢𑁄 𑀧𑀝𑁆𑀞𑀸𑀬 𑀳𑀺 𑀲𑀢𑁆𑀢 𑀲𑁂𑀔𑀸 𑀢𑀺𑀲𑁆𑀲𑁄 𑀲𑀺𑀓𑁆𑀔𑀸 𑀧𑀽𑀭𑁂𑀦𑁆𑀢𑀺 𑀦𑀸𑀫, 𑀅𑀭𑀳𑀸 𑀧𑀭𑀺𑀧𑀼𑀡𑁆𑀡𑀲𑀺𑀓𑁆𑀔𑁄𑀢𑀺. 𑀇𑀢𑀺 𑀇𑀫𑀸𑀦𑀺 𑀅𑀦𑀼𑀢𑁆𑀢𑀭𑀺𑀬𑀸𑀦𑀺 𑀮𑁄𑀓𑀺𑀬𑀮𑁄𑀓𑀼𑀢𑁆𑀢𑀭𑀸𑀦𑀺 𑀓𑀣𑀺𑀢𑀸𑀦𑀺.

𑀅𑀦𑀼𑀢𑁆𑀢𑀭𑀺𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.