𑁫. 𑀧𑀞𑀫𑀬𑁄𑀥𑀸𑀚𑀻𑀯𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁫. 𑀧𑀜𑁆𑀘𑀫𑁂 𑀬𑀼𑀚𑁆𑀛𑀦𑀁 𑀬𑁄𑀥𑁄, 𑀲𑁄 𑀆𑀚𑀻𑀯𑁄 𑀏𑀢𑁂𑀲𑀦𑁆𑀢𑀺 𑀬𑁄𑀥𑀸𑀚𑀻𑀯𑀸. 𑀢𑁂𑀦𑀸𑀳 ‘‘𑀬𑀼𑀤𑁆𑀥𑀽𑀧𑀚𑀻𑀯𑀺𑀦𑁄’’𑀢𑀺. 𑀲𑀦𑁆𑀣𑀫𑁆𑀪𑀺𑀢𑁆𑀯𑀸 𑀞𑀸𑀢𑀼𑀁 𑀦 𑀲𑀓𑁆𑀓𑁄𑀢𑀻𑀢𑀺 𑀩𑀤𑁆𑀥𑁄 𑀥𑀺𑀢𑀺𑀲𑀫𑁆𑀧𑀦𑁆𑀦𑁄 𑀞𑀸𑀢𑀼𑀁 𑀦 𑀲𑀓𑁆𑀓𑁄𑀢𑀺. 𑀲𑀫𑀸𑀕𑀢𑁂𑀢𑀺 𑀲𑀫𑁆𑀧𑀢𑁆𑀢𑁂. 𑀩𑁆𑀬𑀸𑀧𑀚𑁆𑀚𑀢𑀻𑀢𑀺 𑀯𑀺𑀓𑀸𑀭𑀫𑀸𑀧𑀚𑁆𑀚𑀢𑀺. 𑀢𑁂𑀦𑀸𑀳 ‘‘𑀧𑀓𑀢𑀺𑀪𑀸𑀯𑀁 𑀚𑀳𑀢𑀻’’𑀢𑀺.

𑀭𑀚𑀕𑁆𑀕𑀲𑁆𑀫𑀺𑀦𑁆𑀢𑀺 𑀧𑀘𑁆𑀘𑀢𑁆𑀢𑁂 𑀪𑀼𑀫𑁆𑀫𑀯𑀘𑀦𑀦𑁆𑀢𑀺 𑀆𑀳 ‘‘𑀓𑀺𑀁 𑀢𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀭𑀚𑀕𑁆𑀕𑀁 𑀦𑀸𑀫𑀸’’𑀢𑀺. 𑀯𑀺𑀦𑀺𑀩𑁆𑀩𑁂𑀞𑁂𑀢𑁆𑀯𑀸𑀢𑀺 𑀕𑀳𑀺𑀢𑀕𑁆𑀕𑀳𑀡𑀁 𑀯𑀺𑀲𑁆𑀲𑀚𑁆𑀚𑀸𑀧𑁂𑀢𑁆𑀯𑀸. 𑀫𑁄𑀘𑁂𑀢𑁆𑀯𑀸𑀢𑀺 𑀲𑀭𑀻𑀭𑀢𑁄 𑀅𑀧𑀦𑁂𑀢𑁆𑀯𑀸.

𑀧𑀞𑀫𑀬𑁄𑀥𑀸𑀚𑀻𑀯𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.