𑁬-𑁭. 𑀓𑀸𑀮𑀤𑀸𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁩𑁬-𑁩𑁭. 𑀙𑀝𑁆𑀞𑁂 𑀆𑀭𑀸𑀫𑀢𑁄𑀢𑀺 𑀨𑀮𑀸𑀭𑀸𑀫𑀢𑁄. 𑀧𑀞𑀫𑀼𑀧𑁆𑀧𑀦𑁆𑀦𑀸𑀦𑀻𑀢𑀺 𑀲𑀩𑁆𑀩𑀧𑀞𑀫𑀁 𑀲𑀼𑀚𑀸𑀢𑀸𑀦𑀺. 𑀪𑀸𑀲𑀺𑀢𑀜𑁆𑀜𑀽𑀢𑀺 𑀪𑀺𑀓𑁆𑀔𑀽 𑀖𑀭𑀤𑁆𑀯𑀸𑀭𑁂 𑀞𑀺𑀢𑀸 𑀓𑀺𑀜𑁆𑀘𑀸𑀧𑀺 𑀢𑀼𑀡𑁆𑀳𑀻 𑀳𑁄𑀦𑁆𑀢𑀺, 𑀅𑀢𑁆𑀣𑀢𑁄 𑀧𑀦 ‘‘𑀪𑀺𑀓𑁆𑀔𑀁 𑀤𑁂𑀣𑀸’’𑀢𑀺 𑀯𑀤𑀦𑁆𑀢𑀺 𑀦𑀸𑀫 𑀅𑀭𑀺𑀬𑀸𑀬 𑀬𑀸𑀘𑀦𑀸𑀬. 𑀯𑀼𑀢𑁆𑀢𑀜𑁆𑀳𑁂𑀢𑀁 ‘‘𑀉𑀤𑁆𑀥𑀺𑀲𑁆𑀲 𑀅𑀭𑀺𑀬𑀸 𑀢𑀺𑀝𑁆𑀞𑀦𑁆𑀢𑀺, 𑀏𑀲𑀸 𑀅𑀭𑀺𑀬𑀸𑀦𑀁 𑀬𑀸𑀘𑀦𑀸’’𑀢𑀺. 𑀢𑀢𑁆𑀭 𑀬𑁂 ‘‘𑀫𑀬𑀁 𑀧𑀘𑀸𑀫, 𑀇𑀫𑁂 𑀦 𑀧𑀘𑀦𑁆𑀢𑀺, 𑀧𑀘𑀫𑀸𑀦𑁂 𑀧𑀢𑁆𑀯𑀸 𑀅𑀮𑀪𑀦𑁆𑀢𑀸 𑀓𑀼𑀳𑀺𑀁 𑀮𑀪𑀺𑀲𑁆𑀲𑀦𑁆𑀢𑀻’’𑀢𑀺 𑀤𑁂𑀬𑁆𑀬𑀥𑀫𑁆𑀫𑀁 𑀲𑀁𑀯𑀺𑀪𑀚𑀦𑁆𑀢𑀺, 𑀢𑁂 𑀪𑀸𑀲𑀺𑀢𑀜𑁆𑀜𑀽 𑀦𑀸𑀫 𑀜𑀢𑁆𑀯𑀸 𑀓𑀢𑁆𑀢𑀩𑁆𑀩𑀲𑁆𑀲 𑀓𑀭𑀡𑀢𑁄. 𑀬𑀼𑀢𑁆𑀢𑀧𑁆𑀧𑀢𑁆𑀢𑀓𑀸𑀮𑁂𑀢𑀺 𑀤𑀸𑀢𑀼𑀁 𑀬𑀼𑀢𑁆𑀢𑀧𑁆𑀧𑀢𑁆𑀢𑀓𑀸𑀮𑁂. 𑀅𑀧𑁆𑀧𑀝𑀺𑀯𑀸𑀦𑀘𑀺𑀢𑁆𑀢𑁄𑀢𑀺 𑀅𑀦𑀺𑀯𑀢𑁆𑀢𑀦𑀘𑀺𑀢𑁆𑀢𑁄. 𑀲𑀢𑁆𑀢𑀫𑀁 𑀉𑀢𑁆𑀢𑀸𑀦𑀫𑁂𑀯.

𑀓𑀸𑀮𑀤𑀸𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.