𑁧-𑁨. 𑀅𑀓𑁆𑀓𑁄𑀲𑀓𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁧𑁧-𑁨. 𑀤𑀼𑀢𑀺𑀬𑀲𑁆𑀲 𑀧𑀞𑀫𑁂 𑀤𑀲𑀳𑀺 𑀅𑀓𑁆𑀓𑁄𑀲𑀯𑀢𑁆𑀣𑀽𑀳𑀺 𑀅𑀓𑁆𑀓𑁄𑀲𑀓𑁄𑀢𑀺 ‘‘𑀩𑀸𑀮𑁄𑀲𑀺, 𑀫𑀽𑀴𑁆𑀳𑁄𑀲𑀺, 𑀑𑀝𑁆𑀞𑁄𑀲𑀺, 𑀕𑁄𑀡𑁄𑀲𑀺, 𑀕𑀤𑁆𑀭𑀪𑁄𑀲𑀻’’𑀢𑀺𑀆𑀤𑀺𑀦𑀸 𑀤𑀲𑀳𑀺 𑀅𑀓𑁆𑀓𑁄𑀲𑀯𑀢𑁆𑀣𑀽𑀳𑀺 𑀅𑀓𑁆𑀓𑁄𑀲𑀓𑁄. ‘‘𑀳𑁄𑀢𑀼, 𑀫𑀼𑀡𑁆𑀟𑀓𑀲𑀫𑀡, 𑀅𑀤𑀡𑁆𑀟𑁄 𑀅𑀳𑀦𑁆𑀢𑀺 𑀓𑀭𑁄𑀲𑀺, 𑀇𑀤𑀸𑀦𑀺 𑀢𑁂 𑀭𑀸𑀚𑀓𑀼𑀮𑀁 𑀕𑀦𑁆𑀢𑁆𑀯𑀸 𑀤𑀡𑁆𑀟𑀁 𑀆𑀭𑁄𑀧𑁂𑀲𑁆𑀲𑀸𑀫𑀻’’𑀢𑀺𑀆𑀤𑀻𑀦𑀺 𑀯𑀤𑀦𑁆𑀢𑁄 𑀧𑀭𑀺𑀪𑀸𑀲𑀓𑁄 𑀦𑀸𑀫𑀸𑀢𑀺 𑀆𑀳 ‘‘𑀪𑀬𑀤𑀲𑁆𑀲𑀦𑁂𑀦 𑀧𑀭𑀺𑀪𑀸𑀲𑀓𑁄’’𑀢𑀺. 𑀮𑁄𑀓𑀼𑀢𑁆𑀢𑀭𑀥𑀫𑁆𑀫𑀸 𑀅𑀧𑀸𑀬𑀫𑀕𑁆𑀕𑀲𑁆𑀲 𑀧𑀭𑀺𑀧𑀦𑁆𑀣𑀪𑀸𑀯𑀢𑁄 𑀧𑀭𑀺𑀧𑀦𑁆𑀣𑁄 𑀦𑀸𑀫𑀸𑀢𑀺 𑀆𑀳 ‘‘𑀮𑁄𑀓𑀼𑀢𑁆𑀢𑀭𑀧𑀭𑀺𑀧𑀦𑁆𑀣𑀲𑁆𑀲 𑀙𑀺𑀦𑁆𑀦𑀢𑁆𑀢𑀸’’𑀢𑀺, 𑀮𑁄𑀓𑀼𑀢𑁆𑀢𑀭𑀲𑀗𑁆𑀔𑀸𑀢𑀲𑁆𑀲 𑀅𑀧𑀸𑀬𑀫𑀕𑁆𑀕𑀧𑀭𑀺𑀧𑀦𑁆𑀣𑀲𑁆𑀲 𑀙𑀺𑀦𑁆𑀦𑀢𑁆𑀢𑀸𑀢𑀺 𑀅𑀢𑁆𑀣𑁄. 𑀤𑀼𑀢𑀺𑀬𑁂 𑀦𑀢𑁆𑀣𑀺 𑀯𑀢𑁆𑀢𑀩𑁆𑀩𑀁.

𑀅𑀓𑁆𑀓𑁄𑀲𑀓𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.