𑁧-𑁪. 𑀓𑀺𑀫𑀺𑀮𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁦𑁧-𑁪. 𑀧𑀜𑁆𑀘𑀫𑀲𑁆𑀲 𑀧𑀞𑀫𑀤𑀼𑀢𑀺𑀬𑀸𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯. 𑀢𑀢𑀺𑀬𑁂 𑀅𑀥𑀺𑀯𑀸𑀲𑀦𑀁 𑀔𑀫𑀦𑀁, 𑀧𑀭𑁂𑀲𑀁 𑀤𑀼𑀓𑁆𑀓𑀝𑀁 𑀤𑀼𑀭𑀼𑀢𑁆𑀢𑀜𑁆𑀘 𑀧𑀝𑀺𑀯𑀺𑀭𑁄𑀥𑀸𑀓𑀭𑀡𑁂𑀦 𑀅𑀢𑁆𑀢𑀦𑁄 𑀉𑀧𑀭𑀺 𑀆𑀭𑁄𑀧𑁂𑀢𑁆𑀯𑀸 𑀯𑀸𑀲𑀦𑀁 𑀅𑀥𑀺𑀯𑀸𑀲𑀦𑀁, 𑀢𑀤𑁂𑀯 𑀔𑀦𑁆𑀢𑀻𑀢𑀺 𑀅𑀥𑀺𑀯𑀸𑀲𑀦𑀓𑁆𑀔𑀦𑁆𑀢𑀺. 𑀲𑀼𑀪𑁂 𑀭𑀢𑁄𑀢𑀺 𑀲𑀽𑀭𑀢𑁄, 𑀲𑀼𑀝𑁆𑀞𑀼 𑀯𑀸 𑀧𑀸𑀧𑀢𑁄 𑀑𑀭𑀢𑁄 𑀯𑀺𑀭𑀢𑁄 𑀲𑁄𑀭𑀢𑁄, 𑀢𑀲𑁆𑀲 𑀪𑀸𑀯𑁄 𑀲𑁄𑀭𑀘𑁆𑀘𑀁. 𑀢𑁂𑀦𑀸𑀳 ‘‘𑀲𑁄𑀭𑀘𑁆𑀘𑁂𑀦𑀸𑀢𑀺 𑀲𑀼𑀘𑀺𑀲𑀻𑀮𑀢𑀸𑀬𑀸’’𑀢𑀺. 𑀲𑀸 𑀳𑀺 𑀲𑁄𑀪𑀦𑀓𑀫𑁆𑀫𑀭𑀢𑀢𑀸, 𑀲𑀼𑀝𑁆𑀞𑀼 𑀯𑀸 𑀧𑀸𑀧𑀢𑁄 𑀑𑀭𑀢𑀪𑀸𑀯𑁄 𑀯𑀺𑀭𑀢𑀢𑀸. 𑀘𑀢𑀼𑀢𑁆𑀣𑁂 𑀦𑀢𑁆𑀣𑀺 𑀯𑀢𑁆𑀢𑀩𑁆𑀩𑀁.

𑀓𑀺𑀫𑀺𑀮𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.