𑁫-𑁯. 𑀧𑀢𑁆𑀣𑀦𑀸𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁩𑁫-𑁯. 𑀧𑀜𑁆𑀘𑀫𑁂 𑀳𑀢𑁆𑀣𑀺𑀲𑁆𑀫𑀺𑀦𑁆𑀢𑀺 𑀳𑀢𑁆𑀣𑀺𑀲𑀺𑀧𑁆𑀧𑁂. 𑀳𑀢𑁆𑀣𑀻𑀢𑀺 𑀳𑀺 𑀳𑀢𑁆𑀣𑀺𑀯𑀺𑀲𑀬𑀢𑁆𑀢𑀸 𑀳𑀢𑁆𑀣𑀺𑀲𑀦𑁆𑀦𑀺𑀲𑁆𑀲𑀺𑀢𑀢𑁆𑀢𑀸 𑀘 𑀳𑀢𑁆𑀣𑀺𑀲𑀺𑀧𑁆𑀧𑀁 𑀕𑀳𑀺𑀢𑀁. 𑀲𑁂𑀲𑀧𑀤𑁂𑀲𑀼𑀧𑀺 𑀏𑀲𑁂𑀯 𑀦𑀬𑁄. 𑀯𑀬𑀢𑀻𑀢𑀺 𑀯𑀬𑁄, 𑀲𑁄𑀪𑀦𑁂𑀲𑀼 𑀓𑀢𑁆𑀣𑀘𑀺 𑀅𑀧𑀓𑁆𑀔𑀮𑀦𑁆𑀢𑁄 𑀅𑀯𑀺𑀢𑁆𑀣𑀸𑀬𑀦𑁆𑀢𑁄 𑀢𑀸𑀦𑀺 𑀲𑀦𑁆𑀥𑀸𑀭𑁂𑀢𑀼𑀁 𑀲𑀓𑁆𑀓𑁄𑀢𑀻𑀢𑀺 𑀅𑀢𑁆𑀣𑁄. 𑀦 𑀯𑀬𑁄 𑀅𑀯𑀬𑁄, 𑀢𑀸𑀦𑀺 𑀅𑀢𑁆𑀣𑀢𑁄 𑀲𑀤𑁆𑀤𑀢𑁄 𑀘 𑀲𑀦𑁆𑀥𑀸𑀭𑁂𑀢𑀼𑀁 𑀦 𑀲𑀓𑁆𑀓𑁄𑀢𑀺. 𑀅𑀯𑀬𑁄 𑀦 𑀳𑁄𑀢𑀻𑀢𑀺 𑀅𑀦𑀯𑀬𑁄. 𑀤𑁆𑀯𑁂 𑀧𑀝𑀺𑀲𑁂𑀥𑀸 𑀧𑀓𑀢𑀺𑀁 𑀕𑀫𑁂𑀦𑁆𑀢𑀻𑀢𑀺 𑀆𑀳 ‘‘𑀅𑀦𑀯𑀬𑁄𑀢𑀺 𑀲𑀫𑀢𑁆𑀣𑁄’’𑀢𑀺. 𑀙𑀝𑁆𑀞𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯.

𑀧𑀢𑁆𑀣𑀦𑀸𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.