𑁮. 𑀣𑁂𑀭𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁮. 𑀅𑀝𑁆𑀞𑀫𑁂 𑀣𑀺𑀭𑀪𑀸𑀯𑀧𑁆𑀧𑀢𑁆𑀢𑁄𑀢𑀺 𑀲𑀸𑀲𑀦𑁂 𑀣𑀺𑀭𑀪𑀸𑀯𑀁 𑀅𑀦𑀺𑀯𑀢𑁆𑀢𑀺𑀪𑀸𑀯𑀁 𑀧𑀢𑁆𑀣𑁄. 𑀧𑀩𑁆𑀩𑀚𑀺𑀢𑁄 𑀳𑀼𑀢𑁆𑀯𑀸 𑀩𑀳𑀽 𑀭𑀢𑁆𑀢𑀺𑀬𑁄 𑀚𑀸𑀦𑀸𑀢𑀻𑀢𑀺 𑀭𑀢𑁆𑀢𑀜𑁆𑀜𑀽. 𑀢𑁂𑀦𑀸𑀳 ‘‘𑀧𑀩𑁆𑀩𑀚𑀺𑀢𑀤𑀺𑀯𑀲𑀢𑁄 𑀧𑀝𑁆𑀞𑀸𑀬𑀸’’𑀢𑀺𑀆𑀤𑀺. 𑀧𑀸𑀓𑀝𑁄𑀢𑀺 𑀅𑀬𑀣𑀸𑀪𑀽𑀢𑀕𑀼𑀡𑁂𑀳𑀺 𑀘𑁂𑀯 𑀬𑀣𑀸𑀪𑀽𑀢𑀕𑀼𑀡𑁂𑀳𑀺 𑀘 𑀲𑀫𑀼𑀕𑁆𑀕𑀢𑁄. 𑀬𑀲𑁄 𑀏𑀢𑀲𑁆𑀲 𑀅𑀢𑁆𑀣𑀻𑀢𑀺 𑀬𑀲𑀲𑁆𑀲𑀻, 𑀬𑀲𑀁 𑀲𑀺𑀢𑁄 𑀦𑀺𑀲𑁆𑀲𑀺𑀢𑁄 𑀯𑀸 𑀬𑀲𑀲𑁆𑀲𑀻. 𑀢𑁂𑀦𑀸𑀳 ‘‘𑀬𑀲𑀦𑀺𑀲𑁆𑀲𑀺𑀢𑁄’’𑀢𑀺. 𑀅𑀲𑀢𑀁 𑀅𑀲𑀸𑀥𑀽𑀦𑀁 𑀥𑀫𑁆𑀫𑀸 𑀅𑀲𑀤𑁆𑀥𑀫𑁆𑀫𑀸, 𑀅𑀲𑀦𑁆𑀢𑀸 𑀯𑀸 𑀅𑀲𑀼𑀦𑁆𑀤𑀭𑀸 𑀕𑀸𑀭𑀬𑁆𑀳𑀸 𑀮𑀸𑀫𑀓𑀸 𑀥𑀫𑁆𑀫𑀸𑀢𑀺 𑀅𑀲𑀤𑁆𑀥𑀫𑁆𑀫𑀸. 𑀯𑀺𑀧𑀭𑀺𑀬𑀸𑀬𑁂𑀦 𑀲𑀤𑁆𑀥𑀫𑁆𑀫𑀸 𑀯𑁂𑀤𑀺𑀢𑀩𑁆𑀩𑀸.

𑀣𑁂𑀭𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.