𑁪. 𑀘𑀢𑀼𑀢𑁆𑀣𑀧𑀡𑁆𑀡𑀸𑀲𑀓𑀁

𑁧𑁫𑁫-𑁧𑁬𑁬. 𑀘𑀢𑀼𑀢𑁆𑀣𑀲𑁆𑀲 𑀧𑀞𑀫𑀯𑀕𑁆𑀕𑁄 𑀉𑀢𑁆𑀢𑀸𑀦𑀢𑁆𑀣𑁄𑀬𑁂𑀯.

𑁧-𑁪𑁪. 𑀩𑁆𑀭𑀸𑀳𑁆𑀫𑀡𑀧𑀘𑁆𑀘𑁄𑀭𑁄𑀳𑀡𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁬𑁭-𑁨𑁧𑁦. 𑀤𑀼𑀢𑀺𑀬𑁂 𑀘 𑀧𑀞𑀫𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑀺. 𑀤𑀲𑀫𑁂 𑀧𑀘𑁆𑀙𑀸𑀪𑀽𑀫𑀺𑀯𑀸𑀲𑀺𑀦𑁄𑀢𑀺 𑀧𑀘𑁆𑀘𑀦𑁆𑀢𑀤𑁂𑀲𑀯𑀸𑀲𑀺𑀦𑁄. 𑀲𑁂𑀯𑀸𑀮𑀫𑀸𑀮𑀺𑀓𑀸𑀢𑀺 𑀧𑀸𑀢𑁄𑀯 𑀉𑀤𑀓𑀁 𑀑𑀭𑁄𑀳𑀺𑀢𑁆𑀯𑀸 𑀲𑁂𑀯𑀸𑀮𑀜𑁆𑀘𑁂𑀯 𑀉𑀧𑁆𑀧𑀮𑀸𑀤𑀻𑀦𑀺 𑀘 𑀕𑀳𑁂𑀢𑁆𑀯𑀸 𑀅𑀢𑁆𑀢𑀦𑁄 𑀉𑀤𑀓𑀲𑀼𑀤𑁆𑀥𑀺𑀓𑀪𑀸𑀯𑀚𑀸𑀦𑀦𑀢𑁆𑀣𑀜𑁆𑀘𑁂𑀯 ‘‘𑀮𑁄𑀓𑀲𑁆𑀲 𑀘 𑀉𑀤𑀓𑁂𑀦 𑀲𑀼𑀤𑁆𑀥𑀺 𑀳𑁄𑀢𑀻’’𑀢𑀺 𑀇𑀫𑀲𑁆𑀲 𑀅𑀢𑁆𑀣𑀲𑁆𑀲 𑀚𑀸𑀦𑀦𑀢𑁆𑀣𑀜𑁆𑀘 𑀫𑀸𑀮𑀁 𑀓𑀢𑁆𑀯𑀸 𑀧𑀺𑀮𑀦𑁆𑀥𑀦𑀓𑀸. 𑀉𑀤𑀓𑁄𑀭𑁄𑀳𑀓𑀸𑀢𑀺 𑀧𑀸𑀢𑁄 𑀫𑀚𑁆𑀛𑀦𑁆𑀳𑁂 𑀲𑀸𑀬𑀦𑁆𑀳𑁂 𑀘 𑀉𑀤𑀓𑀑𑀭𑁄𑀳𑀡𑀓𑀸. 𑀢𑁂𑀦𑀸𑀳 ‘‘𑀲𑀸𑀬𑀢𑀢𑀺𑀬𑀓𑀁 𑀉𑀤𑀓𑁄𑀭𑁄𑀳𑀡𑀸𑀦𑀼𑀬𑁄𑀕𑀫𑀦𑀼𑀬𑀼𑀢𑁆𑀢𑀸’’𑀢𑀺. 𑀏𑀓𑀸𑀤𑀲𑀫𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑀺. 𑀘𑀢𑀼𑀢𑁆𑀣𑁂 𑀧𑀡𑁆𑀡𑀸𑀲𑀓𑁂 𑀦𑀢𑁆𑀣𑀺 𑀯𑀢𑁆𑀢𑀩𑁆𑀩𑀁.

𑀩𑁆𑀭𑀸𑀳𑁆𑀫𑀡𑀧𑀘𑁆𑀘𑁄𑀭𑁄𑀳𑀡𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀘𑀢𑀼𑀢𑁆𑀣𑀧𑀡𑁆𑀡𑀸𑀲𑀓𑀁 𑀦𑀺𑀝𑁆𑀞𑀺𑀢𑀁.