𑁧-𑁪. 𑀓𑀸𑀫𑀪𑁄𑀕𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁯𑁧-𑁯𑁪. 𑀧𑀜𑁆𑀘𑀫𑀲𑁆𑀲 𑀧𑀞𑀫𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑀺. 𑀘𑀢𑀼𑀢𑁆𑀣𑁂 𑀢𑀧𑀦𑀁 𑀲𑀦𑁆𑀢𑀧𑀦𑀁 𑀓𑀸𑀬𑀲𑁆𑀲 𑀔𑁂𑀤𑀦𑀁 𑀢𑀧𑁄, 𑀲𑁄 𑀏𑀢𑀲𑁆𑀲 𑀅𑀢𑁆𑀣𑀻𑀢𑀺 𑀢𑀧𑀲𑁆𑀲𑀻, 𑀢𑀁 𑀢𑀧𑀲𑁆𑀲𑀺𑀁. 𑀬𑀲𑁆𑀫𑀸 𑀢𑀣𑀸𑀪𑀽𑀢𑁄 𑀢𑀧𑀦𑀺𑀲𑁆𑀲𑀺𑀢𑁄, 𑀢𑀧𑁄 𑀯𑀸 𑀢𑀦𑁆𑀦𑀺𑀲𑁆𑀲𑀺𑀢𑁄, 𑀢𑀲𑁆𑀫𑀸 𑀆𑀳 ‘‘𑀢𑀧𑀦𑀺𑀲𑁆𑀲𑀺𑀢𑀓’’𑀦𑁆𑀢𑀺. 𑀮𑀽𑀔𑀁 𑀨𑀭𑀼𑀲𑀁 𑀲𑀸𑀥𑀼𑀲𑀫𑁆𑀫𑀢𑀸𑀘𑀸𑀭𑀯𑀺𑀭𑀳𑀢𑁄 𑀦 𑀧𑀲𑀸𑀤𑀦𑀻𑀬𑀁 𑀆𑀚𑀻𑀯𑀢𑀺 𑀯𑀢𑁆𑀢𑀢𑀻𑀢𑀺 𑀮𑀽𑀔𑀸𑀚𑀻𑀯𑀻, 𑀢𑀁 𑀮𑀽𑀔𑀸𑀚𑀻𑀯𑀺𑀁. 𑀉𑀧𑀓𑁆𑀓𑁄𑀲𑀢𑀻𑀢𑀺 𑀉𑀧𑁆𑀧𑀡𑁆𑀟𑁂𑀢𑀺, 𑀉𑀧𑀳𑀲𑀦𑀯𑀲𑁂𑀦 𑀧𑀭𑀺𑀪𑀸𑀲𑀢𑀺. 𑀉𑀧𑀯𑀤𑀢𑀻𑀢𑀺 𑀅𑀯𑀜𑁆𑀜𑀸𑀧𑀼𑀩𑁆𑀩𑀓𑀁 𑀅𑀧𑀯𑀤𑀢𑀺. 𑀢𑁂𑀦𑀸𑀳 ‘‘𑀳𑀻𑀴𑁂𑀢𑀺 𑀯𑀫𑁆𑀪𑁂𑀢𑀻’’𑀢𑀺.

𑀓𑀸𑀫𑀪𑁄𑀕𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.