𑁧-𑁮. 𑀯𑀸𑀳𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁮𑁧-𑁮𑁮. 𑀘𑀢𑀼𑀢𑁆𑀣𑀲𑁆𑀲 𑀧𑀞𑀫𑁂 𑀯𑀺𑀫𑀭𑀺𑀬𑀸𑀤𑀻𑀓𑀢𑁂𑀦𑀸𑀢𑀺 𑀦𑀺𑀫𑁆𑀫𑀭𑀺𑀬𑀸𑀤𑀻𑀓𑀢𑁂𑀦. 𑀘𑁂𑀢𑀲𑀸𑀢𑀺 𑀏𑀯𑀁𑀯𑀺𑀥𑁂𑀦 𑀘𑀺𑀢𑁆𑀢𑁂𑀦 𑀯𑀺𑀳𑀭𑀢𑀺. 𑀢𑀢𑁆𑀣 𑀤𑁆𑀯𑁂 𑀫𑀭𑀺𑀬𑀸𑀤𑀸 𑀓𑀺𑀮𑁂𑀲𑀫𑀭𑀺𑀬𑀸𑀤𑀸 𑀘 𑀆𑀭𑀫𑁆𑀫𑀡𑀫𑀭𑀺𑀬𑀸𑀤𑀸 𑀘. 𑀲𑀘𑁂 𑀳𑀺𑀲𑁆𑀲 𑀭𑀽𑀧𑀸𑀤𑀺𑀓𑁂 𑀆𑀭𑀩𑁆𑀪 𑀭𑀸𑀕𑀸𑀤𑀬𑁄 𑀉𑀧𑁆𑀧𑀚𑁆𑀚𑁂𑀬𑁆𑀬𑀼𑀁, 𑀓𑀺𑀮𑁂𑀲𑀫𑀭𑀺𑀬𑀸𑀤𑀸 𑀢𑁂𑀦 𑀓𑀢𑀸 𑀪𑀯𑁂𑀬𑁆𑀬. 𑀢𑁂𑀲𑀼 𑀧𑀦𑀲𑁆𑀲 𑀏𑀓𑁄𑀧𑀺 𑀦 𑀉𑀧𑁆𑀧𑀦𑁆𑀦𑁄𑀢𑀺 𑀓𑀺𑀮𑁂𑀲𑀫𑀭𑀺𑀬𑀸𑀤𑀸 𑀦𑀢𑁆𑀣𑀺. 𑀲𑀘𑁂 𑀧𑀦𑀲𑁆𑀲 𑀭𑀽𑀧𑀸𑀤𑀺𑀥𑀫𑁆𑀫𑁂 𑀆𑀯𑀚𑁆𑀚𑁂𑀦𑁆𑀢𑀲𑁆𑀲 𑀏𑀓𑀘𑁆𑀘𑁂 𑀆𑀧𑀸𑀣𑀁 𑀦𑀸𑀕𑀘𑁆𑀙𑁂𑀬𑁆𑀬𑀼𑀁, 𑀏𑀯𑀫𑀲𑁆𑀲 𑀆𑀭𑀫𑁆𑀫𑀡𑀫𑀭𑀺𑀬𑀸𑀤𑀸 𑀪𑀯𑁂𑀬𑁆𑀬. 𑀢𑁂 𑀧𑀦𑀲𑁆𑀲 𑀥𑀫𑁆𑀫𑁂 𑀆𑀯𑀚𑁆𑀚𑁂𑀦𑁆𑀢𑀲𑁆𑀲 𑀆𑀧𑀸𑀣𑀁 𑀅𑀦𑀸𑀕𑀢𑀥𑀫𑁆𑀫𑁄 𑀦𑀸𑀫 𑀦𑀢𑁆𑀣𑀻𑀢𑀺 𑀆𑀭𑀫𑁆𑀫𑀡𑀫𑀭𑀺𑀬𑀸𑀤𑀸𑀧𑀺 𑀦𑀢𑁆𑀣𑀺. 𑀇𑀥 𑀧𑀦 𑀓𑀺𑀮𑁂𑀲𑀫𑀭𑀺𑀬𑀸𑀤𑀸 𑀅𑀥𑀺𑀧𑁆𑀧𑁂𑀢𑀸𑀢𑀺 𑀆𑀳 ‘‘𑀓𑀺𑀮𑁂𑀲𑀫𑀭𑀺𑀬𑀸𑀤𑀁 𑀪𑀺𑀦𑁆𑀤𑀺𑀢𑁆𑀯𑀸’’𑀢𑀺𑀆𑀤𑀺. 𑀢𑀢𑀺𑀬𑀸𑀤𑀻𑀲𑀼 𑀦𑀢𑁆𑀣𑀺 𑀯𑀢𑁆𑀢𑀩𑁆𑀩𑀁.

𑀯𑀸𑀳𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.