𑁪. 𑀅𑀤𑀦𑁆𑀢𑀯𑀕𑁆𑀕𑀯𑀡𑁆𑀡𑀦𑀸

𑁩𑁧-𑁩𑁬. 𑀘𑀢𑀼𑀢𑁆𑀣𑀲𑁆𑀲 𑀧𑀞𑀫𑁂 𑀅𑀤𑀦𑁆𑀢𑀦𑁆𑀢𑀺 𑀘𑀺𑀢𑁆𑀢𑀪𑀸𑀯𑀦𑀸𑀬 𑀯𑀺𑀦𑀸 𑀦 𑀤𑀦𑁆𑀢𑀁. 𑀢𑁂𑀦𑀸𑀳 𑁋 ‘‘𑀲𑀢𑀺𑀲𑀁𑀯𑀭𑀭𑀳𑀺𑀢’’𑀦𑁆𑀢𑀺. 𑀘𑀢𑀼𑀢𑁆𑀣𑁂 𑀢𑀢𑀺𑀬𑁂 𑀯𑀼𑀢𑁆𑀢𑀯𑀺𑀧𑀭𑀺𑀬𑀸𑀬𑁂𑀦 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀧𑀜𑁆𑀘𑀫𑀙𑀝𑁆𑀞𑁂𑀲𑀼 𑀧𑀼𑀭𑀺𑀫𑀲𑀤𑀺𑀲𑁄𑀬𑁂𑀯𑀸𑀢𑀺 𑀢𑀢𑀺𑀬𑀘𑀢𑀼𑀢𑁆𑀣𑀲𑀤𑀺𑀲𑁄 𑀏𑀯.

𑁩𑁭-𑁩𑁮. 𑀲𑀢𑁆𑀢𑀫𑀝𑁆𑀞𑀫𑁂𑀲𑀼 𑀉𑀧𑀫𑀸 𑀧𑀦𑁂𑀢𑁆𑀣𑀸𑀢𑀺 𑀬𑀣𑀸 𑀧𑀞𑀫𑀸𑀤𑀻𑀲𑀼 𑀅𑀤𑀦𑁆𑀢𑀳𑀢𑁆𑀣𑀺𑀅𑀲𑁆𑀲𑀸𑀤𑀬𑁄 𑀉𑀧𑀫𑀸𑀪𑀸𑀯𑁂𑀦 𑀕𑀳𑀺𑀢𑀸, 𑀏𑀯𑀫𑁂𑀢𑁆𑀣 𑀲𑀢𑁆𑀣𑀫𑀝𑁆𑀞𑀫𑁂𑀲𑀼 ‘‘𑀅𑀲𑀁𑀯𑀼𑀢𑀖𑀭𑀤𑁆𑀯𑀸𑀭𑀸𑀤𑀺𑀯𑀲𑁂𑀦 𑀯𑁂𑀤𑀺𑀢𑀩𑁆𑀩𑀸’’𑀢𑀺 𑀯𑀼𑀢𑁆𑀢𑀁.

𑁩𑁯-𑁪𑁦. 𑀦𑀯𑀫𑀤𑀲𑀫𑁂𑀲𑀼 𑀘𑀢𑀽𑀳𑀺𑀧𑀺 𑀧𑀤𑁂𑀳𑀻𑀢𑀺 𑀅𑀤𑀦𑁆𑀢𑀸𑀤𑀻𑀳𑀺 𑀘𑀢𑀽𑀳𑀺 𑀧𑀤𑁂𑀳𑀺 𑀬𑁄𑀚𑁂𑀢𑁆𑀯𑀸 𑀦𑀯𑀫𑀤𑀲𑀫𑀸𑀦𑀺 𑀲𑀼𑀢𑁆𑀢𑀸𑀦𑀺 𑀯𑀼𑀢𑁆𑀢𑀸𑀦𑀻𑀢𑀺 𑀬𑁄𑀚𑀦𑀸.

𑀅𑀤𑀦𑁆𑀢𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.