𑁧. 𑀕𑀗𑁆𑀕𑀸𑀧𑁂𑀬𑁆𑀬𑀸𑀮𑀯𑀕𑁆𑀕𑁄

𑁧-𑁧𑁨. 𑀩𑀮𑀸𑀤𑀺𑀲𑀼𑀢𑁆𑀢𑀤𑁆𑀯𑀸𑀤𑀲𑀓𑀁

𑁭𑁦𑁫-𑁭𑁧𑁬. ‘‘𑀧𑀜𑁆𑀘𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀩𑀮𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘? 𑀲𑀤𑁆𑀥𑀸𑀩𑀮𑀁, 𑀯𑀻𑀭𑀺𑀬𑀩𑀮𑀁, 𑀲𑀢𑀺𑀩𑀮𑀁, 𑀲𑀫𑀸𑀥𑀺𑀩𑀮𑀁, 𑀧𑀜𑁆𑀜𑀸𑀩𑀮𑀁 𑁋 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀩𑀮𑀸𑀦𑀻𑀢𑀺. 𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀕𑀗𑁆𑀕𑀸 𑀦𑀤𑀻 𑀧𑀸𑀘𑀻𑀦𑀦𑀺𑀦𑁆𑀦𑀸 𑀧𑀸𑀘𑀻𑀦𑀧𑁄𑀡𑀸 𑀧𑀸𑀘𑀻𑀦𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀧𑀜𑁆𑀘 𑀩𑀮𑀸𑀦𑀺 𑀪𑀸𑀯𑁂𑀦𑁆𑀢𑁄 𑀧𑀜𑁆𑀘𑀩𑀮𑀸𑀦𑀺 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄. 𑀓𑀣𑀜𑁆𑀘, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀧𑀜𑁆𑀘 𑀩𑀮𑀸𑀦𑀺 𑀪𑀸𑀯𑁂𑀦𑁆𑀢𑁄 𑀧𑀜𑁆𑀘 𑀩𑀮𑀸𑀦𑀺 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀤𑁆𑀥𑀸𑀩𑀮𑀁 𑀪𑀸𑀯𑁂𑀢𑀺 𑀯𑀺𑀯𑁂𑀓𑀦𑀺𑀲𑁆𑀲𑀺𑀢𑀁 𑀯𑀺𑀭𑀸𑀕𑀦𑀺𑀲𑁆𑀲𑀺𑀢𑀁 𑀦𑀺𑀭𑁄𑀥𑀦𑀺𑀲𑁆𑀲𑀺𑀢𑀁 𑀯𑁄𑀲𑁆𑀲𑀕𑁆𑀕𑀧𑀭𑀺𑀡𑀸𑀫𑀺𑀁, 𑀯𑀻𑀭𑀺𑀬𑀩𑀮𑀁…𑀧𑁂… 𑀲𑀢𑀺𑀩𑀮𑀁… 𑀲𑀫𑀸𑀥𑀺𑀩𑀮𑀁… 𑀧𑀜𑁆𑀜𑀸𑀩𑀮𑀁 𑀪𑀸𑀯𑁂𑀢𑀺 𑀯𑀺𑀯𑁂𑀓𑀦𑀺𑀲𑁆𑀲𑀺𑀢𑀁 𑀯𑀺𑀭𑀸𑀕𑀦𑀺𑀲𑁆𑀲𑀺𑀢𑀁 𑀦𑀺𑀭𑁄𑀥𑀦𑀺𑀲𑁆𑀲𑀺𑀢𑀁 𑀯𑁄𑀲𑁆𑀲𑀕𑁆𑀕𑀧𑀭𑀺𑀡𑀸𑀫𑀺𑀁. 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀧𑀜𑁆𑀘 𑀩𑀮𑀸𑀦𑀺 𑀪𑀸𑀯𑁂𑀦𑁆𑀢𑁄 𑀧𑀜𑁆𑀘 𑀩𑀮𑀸𑀦𑀺 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄’’𑀢𑀺. 𑀤𑁆𑀯𑀸𑀤𑀲𑀫𑀁.

𑀕𑀗𑁆𑀕𑀸𑀧𑁂𑀬𑁆𑀬𑀸𑀮𑀯𑀕𑁆𑀕𑁄 𑀧𑀞𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀙 𑀧𑀸𑀘𑀻𑀦𑀢𑁄 𑀦𑀺𑀦𑁆𑀦𑀸, 𑀙 𑀦𑀺𑀦𑁆𑀦𑀸 𑀘 𑀲𑀫𑀼𑀤𑁆𑀤𑀢𑁄;

𑀤𑁆𑀯𑁂𑀢𑁂 𑀙 𑀤𑁆𑀯𑀸𑀤𑀲 𑀳𑁄𑀦𑁆𑀢𑀺, 𑀯𑀕𑁆𑀕𑁄 𑀢𑁂𑀦 𑀧𑀯𑀼𑀘𑁆𑀘𑀢𑀻𑀢𑀺.